సీపీఎం నేత అప్పలరాజు గృహ నిర్బంధం!

ఎస్.రాయవరం, అక్టోబర్ 4, మేజర్ న్యూస్: లారస్ ఫార్మా కోసం 650 ఎకరాల భూసేకరణను వ్యతిరేకిస్తున్న రాంబిల్లి రైతులకు మద్దతుగా వెళ్తున్న సీపీఎం నేత ఎం.అప్పలరాజును ఎస్.రాయవరం పోలీసులు ఆదివారం ధర్మవరం అగ్రహారంలో గృహ నిర్బంధం చేశారు.ప్రభుత్వ దౌర్జన్యంతో గొరపూడి రైతు లాలం నర్సింగరావు, అప్పన్నపాలెం రైతు చింతలపూడి నూకరాజు మృతి చెందారని, మృతుల కుటుంబాలకు రూ.50 లక్షల పరిహారం ఇవ్వాలని అప్పలరాజు డిమాండ్ చేశారు. పోలీసు నిర్బంధాలతో ఉద్యమాలను ఆపలేరన్నారు. జిల్లాలో ఎన్నడూ లేనివిధంగా కూటమి ప్రభుత్వం భయాందోళనలు సృష్టిస్తోందని రాంబిల్లి రైతుల పోరాటానికి మద్దతుగా వెళుతుండగా ధర్మవరం అగ్రహారం గ్రామంలోని తన నివాసంలో ఎస్.రాయవరం పోలీసులు గృహ నిర్భంధం చేసారని సీ పీ ఎం నాయకుడు అప్పలరాజు వెల్లడించారు.