సీబీఎస్ఈ అథ్లెటిక్ ఛాంపియన్ ఎడిఫై -నాలుగు గోల్డ్ మెడల్ తో నేషనల్ ఛాంపియన్ షిప్ కైవసం

ఎడ్యుకేషన్ స్టాఫ్ రిపోర్టర్ : ఎడిఫై స్కూల్ క్రీడారంగంలో జాతీయస్థాయిలో గుర్తింపు తెచ్చుకుని చరిత్ర సృష్టించింది. ఇటీవల నిర్వహించిన సీబీఎస్ఈ అథ్లెటిక్స్ నేషనల్ ఓవరాల్ ఛాంపియన్ షిప్ కైవసం చేసుకొని అండర్-14 గర్ల్స్ కేటగిరీలో జాతీయ స్థాయిలో తిరుపతి ఖ్యాతిని చాటింది. ఈ ప్రతిష్టాత్మక పోటీలలో పాఠశాలకు చెందిన నలుగురు ప్రతిభావంతులైన క్రీడాకారిణులు ఆరాధ్య, ఆద్య, హృషిక, యోహిత అద్భుత ప్రతిభ కనబరచి 4 స్వర్ణ పతకాలు సాధించారు. విద్యార్థినుల కఠోర శ్రమ, క్రమశిక్షణ, నిరంతర సాధనే ఈ విజయానికి కారణమని పాఠశాల యాజమాన్యం కొనియాడింది. కోచ్ వర్గం శిక్షణ, తల్లిదండ్రుల ప్రోత్సాహం ఈ విజయానికి పునాదిఅని స్పష్టం చేసింది. అథ్లెటెక్స్ లో గోల్డ్ మోడల్ సాధించి విజేతలుగా నిలిచిన విద్యార్థులను పాఠశాల ప్రాంగణంలో ప్రత్యేక కార్యక్రమాన్ని నిర్వహించి వారి తల్లిదండ్రులు ఉపాధ్యాయులు యాజమాన్యం ఘనంగా సత్కరించి ప్రతి విద్యార్థిని అభినందించారు. క్రీడాకారులను తీర్చిదిద్దిన ఫిజికల్ ఎడ్యుకేషన్  కోచ్ లకు ప్రత్యేక అభినందనలు తెలిపారు. ఇందులో విజేతలుగా నిలిచిన క్రీడాకారులు జరగబోయే స్కూల్ గేమ్స్ ఫెడరేషన్ ఆఫ్ ఇండియా నేషనల్ పోటీలలో పాఠశాల తరఫున పాల్గొంటారు. 

సీఎం గౌడ్ తిరుపతి స్టాఫ్ రిపోర్టర్