సైనికుల త్యాగాలకు చిరస్మరణీయ గుర్తుగా కాశీనాయన కుంట వద్ద సుందరీకరణ పార్కు, సైనిక స్తూపం ఏర్పాటు చేస్తాం

 – ఎమ్మెల్యే ముత్తుముల అశోక్ రెడ్డి

      గిద్దలూరుమేజర్ న్యూస్  : 16వ లైట్ క్యావల్రీ మాజీ సైనికుల ఆంధ్రప్రదేశ్, తెలంగాణ సంక్షేమ సంఘం ఆధ్వర్యంలో నిర్వహించిన 250 వ గాడ్గోర్ డే వేడుకల్లో ఎమ్మెల్యే ముత్తుముల అశోక్ రెడ్డి పాల్గొన్నారు. ఈ సందర్భంగా ఆయన మాట్లాడుతూ, దేశ రక్షణ కోసం కుటుంబాలకు దూరంగా ఉంటూ ఎండ, వాన , చలి లెక్కచేయకుండా, ప్రాణాలను సైతం పణంగా పెట్టి అహర్నిశలు దేశ సేవలో నిమగ్నమయ్యే సైనికుల సేవలు వెలకట్టలేనివని పేర్కొన్నారు. దేశ స్వాతంత్ర్యం, రక్షణ కోసం ప్రాణత్యాగం చేసిన అమరవీరుల త్యాగాలు ఎప్పటికీ మరువలేనివని, వారి సేవలు భావితరాలకు స్ఫూర్తిదాయకమని కొనియాడారు. సైనికుల త్యాగాలకు చిరస్థాయిగా గుర్తింపు కల్పించడం స్థానిక ఎమ్మెల్యేగా నా బాధ్యతగా భావిస్తున్నానని అశోక్ రెడ్డి తెలిపారు. ఇందులో భాగంగా నియోజకవర్గం లో రోడ్లు, డ్రైనేజ్ వ్యవస్త, త్రాగు నీరు సమస్య వంటివి ఎన్నో అభివృద్ధి పనులు చేపట్టినాము అని యువత కు మీ స్పూర్తిగా కాశీనాయన కుంట పరిసర ప్రాంతాన్ని పరిశుభ్రంగా తీర్చిదిద్ది, ప్రజలందరికీ ఉపయోగపడేలా సుందరీకరణ పార్కును అభివృద్ధి చేయడంతో పాటు, పార్కు మధ్యలో సైనికుల త్యాగాలకు ప్రతీకగా సైనిక స్తూపాన్ని ఏర్పాటు చేస్తామని ప్రకటించారు. దేశం కోసం సేవలందించిన మాజీ సైనికులను గౌరవించుకోవడం ప్రతి ఒక్కరి బాధ్యత అని ఎమ్మెల్యే తెలిపారు.కార్యక్రమంలో నియోజకవర్గ మాజీ సైనికులు వారి కుటుంబ సభ్యులు, ప్రముఖులు తదితరులు పాల్గొన్నారు