సాఫ్ట్‌బాల్ పోటీలు ప్రారంభించిన ఎమ్మెల్యే రవికుమార్
-కడప లో 13వ జూనియర్ అంతర్ జిల్లాల పోటీలు
ఆమదాలవలస, అక్టోబర్ 13, మేజర్ న్యూస్
కడప జిల్లా రైల్వే కోడూరు పట్టణంలో నిర్వహిస్తున్న 13వ జూనియర్ అంతర్ జిల్లాల బాలబాలికల సాఫ్ట్‌బాల్ పోటీలకు ఆమదాలవలస ఎమ్మెల్యే, రాష్ట్ర సాఫ్ట్‌బాల్ సంఘం అధ్యక్షులు కూన రవికుమార్ ప్రారంభించారు.
ఈ సందర్భంగా క్రీడాకారులను ఉద్దేశించి మాట్లాడుతూ క్రీడలు విద్యార్థుల్లో క్రమశిక్షణ, పట్టుదల, జట్టుగా పనిచేసే మనస్తత్వాన్ని పెంపొందిస్తాయని పేర్కొన్నారు. రాష్ట్రస్థాయిలో ప్రతిభ కనబరిచి జాతీయస్థాయిలో ఆంధ్రప్రదేశ్‌కు మంచి గుర్తింపు తీసుకురావాలని బాలబాలికలకు ఆకాంక్షించారు.
గ్రామీణ ప్రాంతాల్లోని క్రీడాకారుల్లో దాగి ఉన్న ప్రతిభను వెలికితీసేందుకు ఇలాంటి అంతర్ జిల్లాల పోటీలు ఎంతగానో దోహదపడతాయని తెలిపారు. సాఫ్ట్‌బాల్ క్రీడ అభివృద్ధికి, క్రీడాకారులను ప్రోత్సహించేందుకు రాష్ట్ర సాఫ్ట్‌బాల్ సంఘం నిరంతరం కృషి చేస్తుందని పేర్కొన్నారు.
ఈ పోటీల్లో పాల్గొంటున్న బాలబాలికలందరికీ శుభాకాంక్షలు తెలియజేశారు.
