రావులపాలెం మండలంలో 12 నామినేషన్ల ఉపసంహరణ :వైసీపీ నుంచి 9 మంది, టీడీపీ నుంచి ఇద్దరు, జనసేన నుంచి ఒకరు
రావులపాలెం: మేజర్ న్యూస్ :రావులపాలెం మండలంలో స్థానిక సంస్థల ఎన్నికల నామినేషన్ల ఉపసంహరణ ప్రక్రియలో భాగంగా ఈరోజు మొత్తం 12 మంది అభ్యర్థులు తమ నామినేషన్లను ఉపసంహరించుకున్నారు.ఉపసంహరించుకున్న వారిలో వైఎస్సార్‌సీపీకి చెందిన తొమ్మిది మంది, తెలుగుదేశం పార్టీకి చెందిన ఇద్దరు, జనసేన పార్టీకి చెందిన ఒకరు ఉన్నారు.
వైఎస్సార్‌సీపీ నుంచి ఉబలంకకు చెందిన హేమావతి కొల్లి, గొలుగూరి గౌరీదుర్గ, గోపాలపురానికి చెందిన వెంకటరెడ్డి పడాల, సూర్యకుమారి నక్క, ముమ్మిడివరప్పాడుకు చెందిన సీతారామయ్య ఉండ్రాజవరపు, రావులపాలెంకు చెందిన భవాని మల్లిడి, ఈతకోటకు చెందిన గోపాలకృష్ణ మోహన్ బొరుసు, రావులపాలెంకు చెందిన సత్యనారాయణరెడ్డి మొగలి, కొమరాజులంకకు చెందిన భూలక్ష్మి నక్క నామినేషన్లను ఉపసంహరించుకున్నారు.
టీడీపీ నుంచి వెదిరేశ్వరానికి చెందిన తోరం మణి, దేవరపల్లికి చెందిన నామాల మణికుమారి తమ నామినేషన్లను ఉపసంహరించుకోగా, జనసేన నుంచి ఈతకోటకు చెందిన గండ్రోతు అరుణ నామినేషన్‌ను ఉపసంహరించుకున్నారు.నామినేషన్ల ఉపసంహరించుకొన్న వారు ఆయా స్థానాల్లో పోటీ చేసే అభ్యర్థులు కు డమ్మీ గా నామినేషన్ లు వేసినవారే అవ్వడం గమనార్హమ్.
