రాష్ట్ర స్థాయి ఫుట్‌బాల్‌ ఛాంపియన్‌షిప్‌కు తాడువాయి విద్యార్థులు

జంగారెడ్డిగూడెం-మేజర్ న్యూస్దేవరపల్లి జిల్లా పరిషత్ ఉన్నత పాఠశాలలో ఈ నెల 1, 3 తేదీల్లో నిర్వహించిన అండర్‌-14, అండర్‌-17 ఫుట్‌బాల్‌ పోటీల్లో మండలంలోని తాడువాయి జిల్లా ప్రజా పరిషత్‌ ఉన్నత పాఠశాల విద్యార్థులు ప్రతిభ కనబరిచి స్టేట్‌ లెవెల్‌ ఛాంపియన్‌షిప్‌కు ఎంపికయ్యారు.అండర్‌-14 బాలికల విభాగంలో బి. మైథిలి, ఎన్. హాసిని, బాలుర విభాగంలో జె. మణిశంకర్‌ ఎంపికయ్యారు. అండర్‌-17 బాలికల విభాగంలో జై. కీర్తన, బాలుర విభాగంలో కే. కార్తీక్‌, ఆర్. కార్తీక్‌ రాష్ట్రస్థాయి పోటీలకు అర్హత సాధించారు.ఈ సందర్భంగా ఎంపికైన విద్యార్థులను పాఠశాల ప్రధానోపాధ్యాయురాలు, ఉపాధ్యాయ సిబ్బంది, ఎస్‌ఎంసీ చైర్మన్‌, గ్రామ పెద్దలు, దాతలు అభినందించారు.

 కెవి రమణ రావు జంగారెడ్డిగూడెం