క్యూఆర్ కోడ్ విధానం తొలగించాలని - డీలర్ల విజ్ఞప్తి సమస్యను ఉన్నతాధికారుల దృష్టికి తీసుకెళ్తామని అధికారుల హామీ..
క్యూఆర్ కోడ్ విధానం తొలగించాలని - డీలర్ల విజ్ఞప్తి
సమస్యను ఉన్నతాధికారుల దృష్టికి తీసుకెళ్తామని అధికారుల హామీ..
వల్లూరు డిప్యూటీ తహసీల్దార్, కమలాపురం గోడౌన్ డీటీ భాస్కర్ ఆధ్వర్యంలో మండల రేషన్ డీలర్ల సమావేశం నిర్వహించారు. ఈ సమావేశంలో ప్రజా పంపిణీ వ్యవస్థలో అమలు చేస్తున్న క్యూఆర్ కోడ్ స్కానింగ్ విధానంపై డీలర్లు తమ సమస్యలను అధికారుల దృష్టికి తీసుకువచ్చారు. కార్డుదారులకు బియ్యం పంపిణీ చేసే సమయంలో రెండుసార్లు క్యూఆర్ కోడ్ స్కాన్ చేయాల్సి రావడం వల్ల డీలర్లకు ఇబ్బందులు ఎదురవుతున్నాయని వారు తెలిపారు. ఈ విధానాన్ని తొలగించి, బియ్యం పంపిణీ ప్రక్రియను సులభతరం చేయాలని కోరారు. తమ సమస్యను ఉన్నతాధికారుల దృష్టికి తీసుకెళ్లాలని డీలర్లు అధికారులను విజ్ఞప్తి చేశారు. డీలర్ల సమస్యలను ఉన్నతాధికారుల దృష్టికి తీసుకెళ్లి, ప్రభుత్వం దృష్టికి తీసుకెళ్తామని అధికారులు చెప్పారు. ఈ సమావేశంలో వల్లూరు మండలానికి చెందిన రేషన్ డీలర్లందరూ పాల్గొన్నారు..
