ప్రతి ఒక్కరూ పోస్టల్ బ్యాలెట్ ద్వారా తమ ఓటును తప్పక నమోదు చేయాలి.

రామగిరి మేజర్ న్యూస్: ఎన్నికల విధులు నిర్వహించే అధికారులు, సిబ్బంది మరియు అర్హులైన ఉద్యోగులు అందరూ తమ పోస్టల్ బ్యాలెట్ ఓటు హక్కును సద్వినియోగం చేసుకోవాలని రామగిరి మండల ఎన్నికల రిటర్నింగ్ అధికారి కవితా దేవి, ఎంపీడీవో గంగావతి సూచించారు. ఈ సందర్భంగా ఆమె మాట్లాడుతూ ప్రజాస్వామ్యంలో ఓటు హక్కు అత్యంత కీలకమైనదని, ఎన్నికల విధుల్లో ఉండే ప్రతి ఒక్కరూ పోస్టల్ బ్యాలెట్ ద్వారా తమ ఓటును తప్పక నమోదు చేయాలని తెలిపారు.  

పోస్టల్ బ్యాలెట్ ప్రక్రియనుప్రశాంతంగా, నిష్పక్షపాతంగా మరియు సజావుగా నిర్వహించడానికి ఫెసిలిటేషన్ కేంద్రాల వద్ద అన్ని ఏర్పాట్లు పూర్తి చేసినట్లు వెల్లడించారు. రామగిరి ఎంపీడీవో కార్యాలయంలో ఉదయం 9 గంటల నుంచి మూడు గంటల వరకు పోస్టల్ బ్యాలెట్ ఓటు వేసుకోవచ్చని ఎన్నికల రిటర్నింగ్ అధికారి కవితా దేవి పేర్కొన్నారు. అలాగే ఆయా మండలాల వారు వారి మండలంలో పోస్టల్ బ్యాలెట్ ఉపయోగించు కోవచ్చని తెలిపారు.