ప్రతి ఒక్కరూ ఓటు హక్కును వినియోగించుకోవాలి

పాములపాడు మేజర్ న్యూస్: ప్రతి ఒక్కరూ తమ ఓటు హక్కును బాధ్యతగా వినియోగించుకోవాలని ఏపీ దివ్యాంగుల సంక్షేమ సంఘం రాష్ట్ర అధ్యక్షుడు శీలం శ్రీనివాస్ విజ్ఞప్తి చేశారు. పాములపాడు మండలంలో నిర్వహించిన దివ్యాంగుల సమావేశం విజయవంతంగా జరిగింది. మండలంలోని అన్ని గ్రామాల నుంచి దివ్యాంగులు పెద్ద సంఖ్యలో పాల్గొన్నారు.

ఈ సందర్భంగా శీలం శ్రీనివాస్ మాట్లాడుతూ, స్థానిక సంస్థల ఎన్నికల్లో దివ్యాంగుల హక్కులు, సంక్షేమం, ప్రయోజనాల కోసం సహాయ సహకారాలు అందించే వారి పట్ల తమ అభిప్రాయాలను పరిగణనలోకి తీసుకుని, స్వేచ్ఛగా తమ అమూల్యమైన ఓటు హక్కును వినియోగించుకోవాలని కోరారు. ప్రజాస్వామ్య పరిరక్షణలో ప్రతి ఒక్కరూ భాగస్వాములు కావాలని సూచించారు.

సమావేశానికి హాజరై కార్యక్రమాన్ని విజయవంతం చేసిన మండలంలోని అన్ని గ్రామాల దివ్యాంగులకు శీలం శ్రీనివాస్ ప్రత్యేక ధన్యవాదాలు తెలిపారు