ప్రతి ఇంటి నుంచి ఒక పారిశ్రామికవేత్త రావాలి: ఎమ్మెల్యే దగ్గుపాటి ప్రసాద్
అనంతపురం బ్యూరో
ప్రతి ఇంటి నుంచి ఒక పారిశ్రామికవేత్త రావాలి: ఎమ్మెల్యే దగ్గుపాటి ప్రసాద్
అనంతపురం సప్తగిరి సర్కిల్లోని హోటల్ అలెగ్జాండర్లో ఎంఎస్ఎంఈ పరిశ్రమల వృద్ధి వర్క్షాప్ నిర్వహించారు. కార్యక్రమంలో ఎమ్మెల్యే దగ్గుపాటి ప్రసాద్, ఎంపీ అంబికా లక్ష్మీనారాయణ పాల్గొన్నారు.
ఈ సందర్భంగా ఎమ్మెల్యే మాట్లాడుతూ గుజరాత్ తరహాలో ప్రతి ఇంటి నుంచి ఒక పారిశ్రామికవేత్త రావాలన్నదే ముఖ్యమంత్రి చంద్రబాబు నాయుడు లక్ష్యమన్నారు. అనంతపురంలో నాలుగు ఎకరాల్లో ఎంఎస్ఎంఈ పార్కు ఏర్పాటు పనులు పూర్తికావస్తున్నాయని, పరిశ్రమలకు ప్రభుత్వ రాయితీలు, వసతులు కల్పిస్తామని తెలిపారు. మహిళా స్వయం సహాయక సంఘాలకు పారిశ్రామిక రంగంలో ప్రాధాన్యత ఇస్తామన్నారు.
ఎంపీ అంబికా లక్ష్మీనారాయణ మాట్లాడుతూ అనంతపురం జిల్లాను పారిశ్రామికంగా అభివృద్ధి చేయడమే ప్రభుత్వ లక్ష్యమని, కేంద్రం నుంచి నిధులు, రాయితీలు తీసుకురావడానికి కృషి చేస్తానని తెలిపారు.
