ప్రపంచ పక్షవాత నివారణ దినోత్సవ అవగాహన కార్యక్రమాలు చేపట్టిన నైస్ పౌండేషన్

రణస్థలం, అక్టోబర్ 29, మేజర్ న్యూస్: నైస్ ఫౌండేషన్ ఆధ్వర్యంలో గురువారం రణస్థలం మండలంలోని పల్లిపేట జీరుపాలెం  బొడ్డపాడు,  గ్రామాల్లో ప్రపంచ పక్షవాత దినోత్సవం సందర్భంగా అవగాహన కార్యక్రమాలు నిర్వహించారు.
ఈ కార్యక్రమాల్లో భాగంగా పక్షవాతం రావడానికి గల కారణాలు, ముందుగా గుర్తించాల్సిన లక్షణాలు, తీసుకోవాల్సిన జాగ్రత్తలు, సకాలంలో వైద్య చికిత్స పొందడం యొక్క ప్రాముఖ్యతపై గ్రామ ప్రజలకు అవగాహన కల్పించారు. అధిక రక్తపోటు, మధుమేహం వంటి సమస్యలను నియంత్రణలో ఉంచుకోవడం, ఆరోగ్యకరమైన జీవనశైలిని పాటించడం ద్వారా పక్షవాతం ముప్పును తగ్గించుకోవచ్చని వివరించారు. పక్షవాతం లక్షణాలు కనిపించిన వెంటనే ఆలస్యం చేయకుండా సమీప ఆసుపత్రికి వెళ్లాలని సూచించారు.
గ్రామీణ ప్రజల్లో ఆరోగ్యంపై అవగాహన పెంపొందించేందుకు నైస్ ఫౌండేషన్ సిబ్బంది ఈ కార్యక్రమాలను నిర్వహించారు. ప్రజలు ఆరోగ్య నియమాలను పాటిస్తూ, అవసరమైనప్పుడు వైద్య సేవలను వినియోగించుకోవాలని సిబ్బంది సూచించారు. ఈ కార్యక్రమంలో ప్రాజెక్ట్ డైరెక్టర్ రవితేజ పాల్గొన్నారు.