ప్రజా సేవలో 25 సంవత్సరాలు పూర్తి చేసుకున్న మోడీ

సాలూరు, సూర్య :  ఆపరేషన్ సింధూరులో దేశభక్తి, రామ మందిర్ నిర్మాణంలో దైవభక్తి కనపరిచినందుకే ప్రధానమంత్రి నరేంద్ర మోడీ దేశ ప్రజల గుండెల్లో కలకాలం ఉన్నారు కనుకనే దేశ ప్రజలు ఆయనను మళ్లీ మళ్లీ ప్రధానమంత్రిగా గెలిపించుకుంటూ వస్తున్నారని మహిళా శిశు సంక్షేమ, గిరిజన సంక్షేమ శాఖామంత్రి గుమ్మిడి సంధ్యారాణి అన్నారు. ప్రజా సేవలో ప్రధానమంత్రిగా నరేంద్ర మోడీ 25 సంవత్సరాలు పూర్తి చేసుకున్న సందర్భంగా మంత్రి సంధ్యారాణి తన చరవాణి ద్వారా ఆయనకు శుభాకాంక్షలు తెలియజేస్తున్నట్లు ఒక ప్రకటనలో స్థానిక విలేకరులకు తెలిపారు. అందులో ఉన్న ముఖ్య అంశాలు ఇలా ఉన్నాయి. గుజరాత్ లోని ఒక చిన్న రైల్వే స్టేషన్ లో తండ్రికి టీ అమ్ముడంలో సహాయం చేసిన చిన్న బాలుడు, నేడు ప్రపంచాన్ని శాసించే నాయకులలో ఒకరిగా ఎదిగినందుకు దేశ ప్రజలందరూ గర్విస్తున్నారన్నారు. మోడీ ప్రధానమంత్రిగా ఎన్నో సాహసోపేత నిర్ణయాలు తీసుకొన్నారన్నారు. ఒకవైపు ఆపరేషన్ సింధూరులో దేశభక్తి కనబరిస్తే, మరోవైపు అయోధ్య రామ మందిరం విషయంలో దైవభక్తి చూపించారన్నారు. అలాగే పెద్ద నోట్ల రద్దు, కాశ్మీర్ సమస్యను పరిష్కరించడంలో కఠినమైన నిర్ణయం తీసుకోవడం వల్లే ప్రజల గుండెలో నిలిచిపోయారన్నారు. అలాంటి క్రమశిక్షణ నిబద్ధత కలిగిన వ్యక్తిని చూసి మనం ఎంతో నేర్చుకోవాలని అన్నారు అలాంటి. నరేంద్ర మోడీ మన ముఖ్యమంత్రి నారా చంద్రబాబు నాయుడుకు ఇచ్చిన గౌరవం మరువలేనిదన్నారు. పై సమాచారాన్ని మంత్రి సంధ్యారాణి క్యాబినెట్ సమావేశంలో ఉంటుండగా స్థానిక విలేకరులకు చేరవేశారు.

రిపోర్టర్ : పిల్లి సతీష్ కుమార్, సాలూరు, పార్వతీపురం మన్యం.