పంట నమోదు చేసుకున్న ప్రతి రైతు తప్పనిసరిగా ఈకేవైసి చేయించుకోవాలి. మండల వ్యవసాయ అధికారి మారెడ్డి వెంకట క్రిష్ణారెడ్డి

ముద్దనూరు మేజర్ న్యూస్: 

మండలంలోని వేల్పుచర్ల గ్రామంలో పొలం పిలుస్తోంది కార్యక్రమాన్ని మగళవారం  మండల వ్యవసాయ అధికారి మారెడ్డి వెంకట క్రిష్ణారెడ్డి నిర్వహించారు. ఈ సందర్భంగా ఆయన మాట్లాడుతూ గ్రామంలో రైతులతో సమావేశం నిర్వహించి రభి పంటల సాగుకు సమాయత్తం కావాలి అని కోరారు. రైతులకు కావలసిన డిఎపి, యూరియా ఎరువులు రైతులకు అందుబాటులో ఉన్నాయని తెలిపారు. ఖరీఫ్ లో సాగు చేసిన పంట నమోదు అనంతరం రైతులు ఈ కేవైసి పక్రియ పూర్తి చేసుకోవాలి అని తెలిపారు. పకృతి వ్యవసాయ సిబ్బంది ద్రవ జీవామృతం తయారు చేసే విధానాన్ని డెమో రూపంలో చూపించారు. రైతులు విత్తనం వేసేటప్పుడు తప్పనిసరిగా విత్తన శుద్ది చేసుకోవాలి అని కోరారు. రైతులు పకృతి వ్యవసాయ పద్ధతులను అనుసరించాలి అన్నారు. తదుపరి గ్రామంలో సాగు చేసిన ఉల్లి పంటను పరిశీలించి తగు సూచనలు సలహాలు అందించారు.పంటలో కలుపు లేకుండా చూసుకోవాలి అన్నారు. ఎరువుల యాజమాన్యం పద్ధతులను అనుసరించాలి అన్నారు. ఈ కార్యక్రమంలో గ్రామ వ్యవసాయ సహాయకుడు రెడ్డి భాష, పకృతి వ్యవసాయ సిబ్బంది రామ సుధ, శైలజ, నాగ పావని,నాగ లక్ష్మీ దేవి,రామాంజనేయులు తదితర రైతులు పాల్గొన్నారు.