ఫ్యాన్ గుర్తుకు ఓటేసి మోపురి సావిత్రిని గెలిపించండి.. ఇంటింటా ప్రచారం నిర్వహించిన వైఎస్ఆర్సిపి జడ్పిటిసి అభ్యర్థి

పులివెందుల మేజర్ న్యూస్ :

పులివెందుల మండల జెడ్పీటీసీ వైఎస్సార్ కాంగ్రెస్ పార్టీ అభ్యర్థి మోపురి సావిత్రి గురువారం మండల పరిధిలోని ఎర్రబల్లె మల్లికార్జునపురం గ్రామాల్లో ఇంటింటా ఎన్నికల ప్రచారం నిర్వహించారు. ఈ సందర్భంగా ప్రజలను కలుసుకుంటూ వైఎస్సార్ కాంగ్రెస్ పార్టీ ఫ్యాన్ గుర్తుకు ఓటు వేసి తనను భారీ మెజార్టీతో గెలిపించాలని ఓటర్లను అభ్యర్థించారు.
వైఎస్సార్‌సీపీ నాయకులతో కలిసి గ్రామాల్లో పర్యటించిన ఆమె, వైఎస్సార్ కాంగ్రెస్ పార్టీ అధికారంలో ఉన్న సమయంలో అప్పటి ముఖ్యమంత్రి వైఎస్ జగన్‌మోహన్ రెడ్డి ప్రజలకు అందించిన సంక్షేమ పథకాలను వివరిస్తూ ఓట్లు అభ్యర్థించారు. ప్రజల సంక్షేమం, అభివృద్ధి కోసం వైఎస్సార్‌సీపీకి మద్దతుగా నిలవాలని కోరారు.
ఈ ప్రచార కార్యక్రమంలో మాజీ ఎంపీటీసీ గోపాల్, మాజీ మండల ఉపాధ్యక్షురాలు వీరనారాయణమ్మ, వైఎస్సార్‌సీపీ నాయకులు బాలగంగిరెడ్డి, ఉమేష్ రెడ్డి, డిష్ వెంకట్ రెడ్డి తదితరులు పాల్గొన్నారు.
నల్లపురెడ్డిపల్లెలోనూ ఇంటింటా ప్రచారం
పులివెందుల మండల పరిధిలోని నల్లపురెడ్డిపల్లె గ్రామంలోనూ జెడ్పీటీసీ అభ్యర్థి మోపురి సావిత్రికి మద్దతుగా వైఎస్సార్‌సీపీ నాయకులు ఇంటింటా ప్రచారం నిర్వహించారు. వైఎస్సార్‌సీపీ మండల కన్వీనర్ అజ్జుగుట్ట భాస్కర్ రెడ్డి, రామా మల్లేశ్వర రెడ్డి తదితరులు గ్రామంలోని ఓటర్లను కలిసి సావిత్రిని భారీ మెజార్టీతో గెలిపించాలని కోరారు.
ఈ కార్యక్రమంలో వైఎస్సార్‌సీపీ నాయకులు రఫీ, రజాక్, మస్తాన్, పాపయ్య, ఉమారెడ్డి, రామలింగేశ్వర్ రెడ్డి, సుబ్బారెడ్డి, గంగిరెడ్డి, మహిళలు తదితరులు పాల్గొన్నారు.

పి. కృష్ణ పులివెందుల స్టాప్ రిపోర్టర్ కడప జిల్లా