పల్లె పండుగ3..0 కార్యక్రమంలో పాల్గొన్న ఎమ్మెల్యే పరిటాల సునీత

రామగిరి మేజర్ న్యూస్: రాజకీయాలు ఎన్నికల వరకే ఉండాలని ఆ తర్వాత అభివృద్ధి సంక్షేమం పార్టీలకతీతంగా అందాలన్నదే మా ఉద్దేశం అని రాప్తాడు ఎమ్మెల్యే పరిటాల సునీత పేర్కొన్నారు. ఆదివారం కనగానపల్లి మండలంలోని ముత్తుకుంట్ల గ్రామంలో పల్లె పండుగ 3.0 కార్యక్రమం ఘనంగా జరిగింది. ముత్తుకుంట్ల గ్రామం నుండి బోయవాన్ల కొట్టాల వరకు రూ.1.30 కోట్ల విబిజి రాంజీ నిధులతో నిర్మించనున్న రెండు కిలోమీటర్ల బిటి సి.సి రోడ్డు పనులకు ఆమె భూమి పూజ చేశారు. అలాగే రైతులకు సబ్సిడీ కింద ఉలువలను పంపిణీ చేశారు. ఈ సందర్భంగా అసంపూర్తిగా ఉన్న అంగన్వాడి కేంద్రం పనులను పూర్తి చేయాలని అలాగే మరికొన్ని చోట్ల సిసి రోడ్లు మంజూరు చేయాలని గ్రామస్తులు కోరగా ఆమె సానుకూలంగా స్పందించారు. పల్లె పండుగ 3.0 ద్వారా అనేక రోడ్లు గోకులం షెడ్యూల్ నిర్మిస్తున్నామని తెలిపారు. కూటమి ప్రభుత్వం ప్రతి ఇంటి ముందు రోడ్డు పెద్దలు డ్రైనేజీ నిర్మించడమే కాకుండా రైతుల సంక్షేమం కోసం విప్లమాత్మక నిర్ణయాలు తీసుకుంటుందని తెలియజేశారు. ఈ కార్యక్రమంలో  కనగానపల్లి మండలం టిడిపి నాయకులు కార్యకర్తలు గ్రామస్తులు పాల్గొన్నారు.