మదనపల్లెలో జాతీయ రక్తదాన దినోత్సవ వారోత్సవాలు

- హెల్పింగ్ మైండ్స్ ఆధ్వర్యంలో రక్తదాన శిబిరం 
మదనపల్లె : జాతీయ రక్తదాన దినోత్సవ వారోత్సవాల్లో భాగంగా హెల్పింగ్ మైండ్స్ ఆధ్వర్యంలో ఆదివారం మదనపల్లి వాలంటరీ బ్లడ్ బ్యాంక్ నందు రక్తదాన శిబిరం నిర్వహించారు.రక్తదాన శిబిరంలో పలువురు స్వచ్ఛందంగా ముందుకు వచ్చి రక్తదానం చేశారు.ఈ సందర్భంగా హెల్పింగ్ మైండ్స్ వ్యవస్థాపకుడు అబూబక్కర్ సిద్దిక్ మాట్లాడుతూ రక్తదానం చేయడానికి కావలసింది కేవలం మూడు నిమిషాలు మాత్రమే,రక్తదానం చేస్తే ప్రాణదాతలు అవ్వడంతో పాటు ఆరోగ్యంగా కూడా ఉంటామని తెలిపారు.14 ఏళ్ల నుండి రక్తదాన ఉద్యమంలో ముఖ్యపాత్ర పోషిస్తూ రక్తదాన శిబిరాలు,రక్తదాన అవగాహన కార్యక్రమాలు నిర్వహిస్తూ తమ సంస్థ సేవలు ముందుకు వెళ్తున్నాయని,ప్రతినెల రక్తదాన శిబిరం కూడా నిర్వహిస్తున్నామని అందులో భాగంగా ఈ రక్తదాన శిబిరంలో రక్తదానం చేసిన రక్తదాతలకు ప్రత్యేక కృతజ్ఞతలు తెలిపారు.ఈ కార్యక్రమంలో హెల్పింగ్ మైండ్స్ సభ్యులు మోహన్,అల్తాఫ్,పెరవలి మధు,ఫరీద్ హుస్సేన్,పృధ్వీరాజ్,సాంబ,రిజ్వాన్,అమీన్,సమీర్ పాల్గొన్నారు.