పల్లె పండుగ 3.0తో గ్రామీణాభివృద్ధికి మరో అడుగు
పుల్లలచెరువు మేజర్ న్యూస్
పల్లె ప్రాంతాల్లో మౌలిక వసతుల కల్పనకు ప్రభుత్వం చేపట్టిన పల్లె పండుగ 3.0 కార్యక్రమంలో భాగంగా పుల్లలచెరువు మండలంలోని పెద్ద పంచాయతీ, చిన్న పంచాయతీల్లో రూ.20 లక్షల విలువైన సీసీ రోడ్ల నిర్మాణ పనులకు భూమిపూజ కార్యక్రమాలు నిర్వహించారు. ఒక్కో పంచాయతీకి రూ.10 లక్షల చొప్పున నిధులు కేటాయించినట్లు నాయకులు తెలిపారు.ఎర్రగొండపాలెం నియోజకవర్గ టీడీపీ ఇన్‌చార్జి గూడూరి ఎరిక్షన్ బాబు ఆదేశాల మేరకు నిర్వహించిన ఈ కార్యక్రమాల్లో పుల్లలచెరువు మండల టీడీపీ నాయకులు పాల్గొని అభివృద్ధి పనులకు శంకుస్థాపన చేశారు. గ్రామాల్లో రహదారుల అభివృద్ధితో ప్రజలకు రాకపోకలు మరింత సులభతరం అవుతాయని నాయకులు పేర్కొన్నారు.ఈ కార్యక్రమంలో పుల్లలచెరువు మండల టీడీపీ అధ్యక్షుడు పోట్ల గోవిందు, రాష్ట్ర రైతు కార్యదర్శి, మండల సీనియర్ నాయకుడు కాకర్ల కోటయ్య, క్లస్టర్ ఇన్‌చార్జి, మండల సీనియర్ నాయకుడు రెంటపల్లి సుబ్బారెడ్డి, పుల్లలచెరువు సొసైటీ చైర్మన్ వెంకట్రామిరెడ్డి, మండల ప్రధాన కార్యదర్శి శనగ వెంకటేశ్వరరెడ్డి, మండల ఎస్టీ నాయకుడు దుప్లవత్ గోపాల్ నాయక్, పీఆర్ఎసీ నాయకులు హనుమంతు నాయక్, చిన్నమంత్రు నాయక్‌తో పాటు ఆయా గ్రామాల టీడీపీ నాయకులు, కార్యకర్తలు పాల్గొన్నారు.
