ఒకే ఇంట్లో ఇద్దరు కౌన్సిలర్లుగా విజయం

ఆత్మకూరు, మేజర్ న్యూస్ :  ఆత్మకూరు మున్సిపల్ పరిధిలోని ఒకే కుటుంబానికి చెందిన ఇద్దరు కౌన్సిలర్లుగా విజయం సాధించారు. ఇటీవల జరిగిన మున్సిపల్ ఎన్నికల్లో కూటమి ఆధ్వర్యంలో బిజెపి అభ్యర్థిగా మూడో వార్డు నుండి నలిశెట్టి శ్రీనివాసులు బిజెపి అభ్యర్థిగా పోటీ చేశారు.ఆయన ఉపాధ్యాయ ఉద్యోగం చేస్తూ కౌన్సిలర్ గా పోటీ చేసే లక్ష్యంగా ఆ ఉద్యోగానికి రాజీనామా చేసి ఎన్నికల బరిలో దిగారు. ఆయన కూటమి ఆధ్వర్యంలో మంత్రి ఆనం రామనారాయణరెడ్డి ఆశీస్సులతో బిజెపి అభ్యర్థిగా పోటీ చేసి విజయం సాధించారు. కాగా శ్రీనివాసులు అన్న నలిశెట్టి జగదీశ్వరరావు రిటైర్ టీచర్ కాగా ఆమె కోడలు కత్తి పద్మజ ఆరో వార్డు నుండి జనసేన అభ్యర్థిగా పోటీ చేసి విజయం సాధించారు. శ్రీనివాసులు బిజెపి తరఫున, అటు అన్న కోడలు కత్తి పద్మజ జనసేన తరపున పోటీ చేసి విజయం సాధించి ఇద్దరూ కౌన్సిలర్లుగా ఎన్నికై మున్సిపల్ పాలకవర్గంలో అడుగుపెట్టనున్నారు. ఆ కుటుంబానికి చెందిన ఇద్దరు కౌన్సిలర్లు గా ఎన్నిక కావడం పట్ల పలువురు వారిని విశేషంగా అభినందిస్తూ ప్రత్యేకంగా చర్చించుకుంటున్నారు.