నెల్లిమర్లలో కూటమికి 'రెబెల్' చిక్కులు..
- బీజేపీ అభ్యర్థికి షాకిచ్చిన జనసేన, టీడీపీ నేతలు
నెల్లిమర్ల, సూర్య: నెల్లిమర్ల నగర పంచాయతీ చైర్మన్ పీఠం కూటమిలో భాగంగా భారతీయ జనతా పార్టీ కేటాయించినప్పటికీ, నామినేషన్ల పర్వంలో కూటమి పార్టీల మధ్యే అసమ్మతి జ్వాలలు ఎగసిపడుతున్నాయి. అధికారిక అభ్యర్థి ప్రకటన తర్వాత కూడా రెబెల్స్ బరిలో నిలవడం స్థానిక రాజకీయాల్లో చర్చనీయాంశంగా మారింది. నగర పంచాయతీ చైర్మన్ సీటు బీజేపీకి దక్కినప్పటికీ, జనసేన పార్టీకి చెందిన నాయకులు జనా ప్రసాద్ , రవ్వా నాని లు నామినేషన్లు దాఖలు చేశారు.
ఇక శుక్రవారం నాడు టీడీపీకి చెందిన సీనియర్ నాయకుడు లెంక అప్పలనాయుడు కూడా నామినేషన్ దాఖలు చేయడంతో కూటమిలో కలవరం మొదలైంది.
ముగ్గురు రెబెల్స్
మొత్తంగా కూటమి అధికారిక అభ్యర్థికి వ్యతిరేకంగా ముగ్గురు రెబెల్స్‌గా నామినేషన్లు వేయడం కూటమి పెద్దలకు తలనొప్పిగా మారింది.
ఒకే కూటమిలో ఉన్న టీడీపీ, జనసేన పార్టీల నుంచి నాయకులు ఇలా బరిలోకి దిగడంపై హైకమాండ్ దృష్టి సారించే అవకాశం ఉంది. నామినేషన్ల ఉపసంహరణకు రేపు (18వ తేదీ) ఆఖరు గడువు ముగిసిన తర్వాత, అక్టోబర్ 19వ తేదీ నామినేషన్ల ఉపసంహరణ రోజున కూటమి పెద్దలు ఈ రెబెల్స్‌ను బుజ్జగించి బరి నుంచి తప్పుకునేలా చేస్తారా లేదా అనేది నెల్లిమర్ల రాజకీయ వర్గాల్లో తీవ్ర ఉత్కంఠను రేకెత్తిస్తోంది.
