నవ సమాజ నిర్మాణం కూటమితోనే సాధ్యం.
సూర్య న్యూస్ ముండ్లమూరు. చెప్పాం చేస్తున్నాం పనిచేసే మీ ముందుకు వచ్చాం మీ అమూల్యమైన ఓటును అభ్యర్థిస్తున్నాం కూటమి అభ్యర్థి మందలపు సౌమ్యకు ఓటు వేసి అఖండ మెజార్టీతో గెలిపించాలని నియోజకవర్గ టిడిపి ఇన్చార్జ్ డాక్టర్ గొట్టిపాటి లక్ష్మి కోరారు. మండలంలోని భీమవరం ఈదర గ్రామాలలో జడ్పిటిసి టిడిపి అభ్యర్థి మందలపు సౌమ్యతో కలిసి డాక్టర్ గొట్టిపాటి లక్ష్మి ఎన్నికల ప్రచారం నిర్వహించారు. ఈ సందర్భంగా డాక్టర్ లక్ష్మీ మాట్లాడుతూ అభివృద్ధి చేసే కూటమి ప్రభుత్వానికి మద్దతిస్తే సుఖ సంతోషాల వెలుగులో గ్రామాలు ఉంటాయన్నారు. గొడ్డలి పార్టీ పాలనలో రాష్ట్రంలో అరాచకం తప్ప అభివృద్ధి లేదన్నారు. మహిళల ఓట్లతో గెలిచిన జగన్ మహిళ లను మోసం చేశారన్నారు. ఆడబిడ్డలకు మేనమామ అని చెప్పుకునే జగన్ కంసుమామఅని ఇంట్లో మేనకోడలి పెళ్లి చేసుకునేందుకు కూడా ఒప్పుకోలేదు అన్నారు. నవ సమాజ నిర్మాణం కూటమితోనే సాధ్యమన్నారు. ప్రచారం సందర్భంగా మహిళలు డాక్టర్ లక్ష్మి సౌమ్యకు ఎదురెళ్లి బొట్టు పెట్టి ఆహ్వానిస్తూ మద్దతు పలికారు. కార్యక్రమానికి ముందుగా అంకమ్మ తల్లి దేవాలయంలో డాక్టర్ గొట్టిపాటి లక్ష్మి డాక్టర్ లలిత సాగర్ దంపతులు పూజలు నిర్వహించారు. ఈ కార్యక్రమంలో టిడిపి యువ నాయకులు డాక్టర్ కడియాల లలిత్సాగర్, మాజీ ఏఎంసీ చైర్మన్ కడియాల రమేష్ ఎంపీపీ అభ్యర్థి దేవినేని రమా కోటేశ్వరరావు, మాజీ ఎంపీపీ మందలపు వెంకట్రావు మండల టిడిపి అధ్యక్షులు కూరపాటి శ్రీను మాజీ మండల టిడిపి అధ్యక్షులు సోమే పల్లి శ్రీను, టిడిపి నాయకులు ఎన్వి రమణ, సొసైటీ అధ్యక్షులు రామాంజనేయులు ఈదర ఎంపీటీసీ అడపాల వెంకయ్యమ్మ వివిధ గ్రామాలకు చెందిన కూటమి నాయకులు పాల్గొన్నారు.
