మండలంలో భక్తిశ్రద్ధలతో దసరా వేడుకలు

సిఎస్ పురం,మేజర్ న్యూస్,,విజయదశమి పండుగ సందర్భంగా మంగళవారం మండలంలోని గ్రామాల్లో ప్రజలు అత్యంత భక్తిశ్రద్ధలతో దసరా పండుగ వేడుకలు జరుపుకున్నారు.ఈసందర్భంగా మండలకేంద్రమైన సిఎస్ పురం మరియు గ్రామాల్లో ప్రజలు వేకువజామున నుండి ఇళ్లముందు రంగుల అలంకరణ చేసి అనంతరం గ్రామాల్లో దేవస్థానాలకు వెళ్లి పూజలుచేసి తీర్ధప్రసాదాలు స్వీకరించారు. ఈసందర్భంగా సిఎస్ పురంలోని శ్రీకామాక్షి సమేత చంద్రమౌళీశ్వరస్వామి,రాచూరిపెద్దమ్మతల్లి,భైరవకోన దేవస్థానాల్లో స్వామివార్లు,అమ్మవార్లను దర్శించుకున్నారు. ఈసందర్భంగా కామాక్షి సమేత చంద్రమౌళీశ్వరస్వామి దేవస్థానంలో కామాక్షి అమ్మవారిని ప్రత్యేక అలంకరణ చేసిన పల్లకీ నందు ప్రతిష్ఠించి మేళతాళాలు భక్తుల దేవీభక్తిపాటలతో ప్రదక్షిణలు నిర్వహించి హరతులు నైవేద్యం సమర్పించి తీర్ధప్రసాదాలు అందజేశారు. అదేవిధంగా పెద్దమ్మతల్లి దేవస్థానం నందు అమ్మవారికి పల్లకీ ఉత్సవం ఘనంగా నిర్వహించారు. దసరా సందర్భంగా దేవస్థానాలు భక్తజనసందడితో పండుగ సందడి నెలకొన్నది.