ఉండ్రాజవరంలో నేడు వంగవీటి మోహన రంగా విగ్రహావిష్కరణ: పిలుపునిచ్చిన మంత్రి కందుల దుర్గేష్

సూర్య నిడదవోలు ప్రతినిధి: తూర్పుగోదావరి జిల్లా నిడదవోలు నియోజకవర్గ పరిధిలోని ఉండ్రాజవరం మండల కేంద్రంలో నేడు (అక్టోబర్ 1, గురువారం) దివంగత నేత, బడుగు బలహీన వర్గాల ఆశాజ్యోతి స్వర్గీయ వంగవీటి మోహన రంగా కాంస్య విగ్రహావిష్కరణ కార్యక్రమం ఘనంగా జరగనుంది. ఈ మేరకు రాష్ట్ర పర్యాటక, సాంస్కృతిక & సినిమాటోగ్రఫీ శాఖ మంత్రి, స్థానిక శాసనసభ్యులు కందుల దుర్గేష్ సామాజిక మాధ్యమాల వేదికగా అధికారిక ప్రకటన విడుదల చేశారు.
కార్యక్రమ వివరాలు వేదిక ఉండ్రాజవరంలోని ప్రసిద్ధ శ్రీ సుబ్రహ్మణ్యేశ్వర స్వామి వారి ఆలయం సమీపంలోసమయం:నేటి మధ్యాహ్నం 3:30 గంటలకు.హాజరుకానున్న ప్రముఖులు:** స్థానిక ఎమ్మెల్యే, రాష్ట్ర మంత్రి కందుల దుర్గేష్‌‌తో పాటు పలువురు కూటమి ప్రజాప్రతినిధులు, రాధా రంగా మిత్ర మండలి ప్రతినిధులు, స్థానిక నాయకులు ఈ కార్యక్రమంలో పాల్గొననున్నారు.

ఈ సందర్భంగా మంత్రి కందుల దుర్గేష్ మాట్లాడుతూ.. పేదలు, బడుగు బలహీన వర్గాల అభ్యున్నతి కోసం నిరంతరం పోరాడిన జననేత వంగవీటి మోహన రంగా అని కొనియాడారు. నియోజకవర్గ ప్రజలు, అభిమానులు, ప్రజాప్రతినిధులు పెద్ద ఎత్తున తరలివచ్చి ఈ విగ్రహావిష్కరణ మహోత్సవాన్ని విజయవంతం చేయాలని ఆయన విజ్ఞప్తి చేశారు.