మీడియా ప్రతినిధిపై కేసులకు నిరసన

జంగారెడ్డిగూడెం-మేజర్ న్యూస్బీఆర్‌కే న్యూస్‌ ప్రతినిధిపై తప్పుడు కేసులు నమోదు చేయడాన్ని నిరసిస్తూ ఎలక్ట్రానిక్‌ మీడియా అసోసియేషన్‌ ఆధ్వర్యంలో సోమవారం జంగారెడ్డిగూడెం ఆర్డీవోకు వినతిపత్రం సమర్పించారు.చింతలపూడి ఎమ్మెల్యే సొంగా రోషన్‌కుమార్‌పై టీడీపీ కార్యకర్త తక్కెళ్లపాటి రమేష్‌ చేసిన విమర్శలకు సంబంధించిన వీడియోను బీఆర్‌కే న్యూస్‌ ప్రసారం చేసిందని తెలిపారు. ఈ నేపథ్యంలో మీడియా ప్రతినిధిపై కొందరు టీడీపీ నాయకులు పోలీసులకు ఫిర్యాదులు చేయడం, కేసుల నమోదుకు ఒత్తిడి తేవడం సరికాదన్నారు.మీడియా స్వేచ్ఛను కాపాడాలని, జర్నలిస్టులను భయభ్రాంతులకు గురిచేసే చర్యలను అడ్డుకుని మీడియా ప్రతినిధులకు రక్షణ కల్పించాలని ఆర్డీవోను కోరారు.

 కె.వి రమణారావు జంగారెడ్డిగూడెం