మీ ఇంటి ఆడబిడ్డగా ఆదరించండి... -56వ డివిజన్ ఇంటింటి ప్రచారంలో బ్యాంకు శాంతమ్మ

ఎడ్యుకేషన్ స్టాఫ్ రిపోర్టర్ : ఇదే డివిజన్ పరిధిలో నివాసముంటున్న తనను మీ ఇంటి ఆడబిడ్డగా మున్సిపల్ కార్పొరేషన్ ఎన్నికలలో ఆదరించి ఓటు వేసి గెలిపించాలని కొర్లగుంట ప్రచారంలో 56వ డివిజన్ కార్పొరేటర్ అభ్యర్థి బ్యాంకు శాంతమ్మ మహిళలను కోరారు. ప్రచారంలో భాగంగా మంగళవారం కొర్లగుంట ప్రాంతంలో ఇంటింటికి తిరుగుతూ స్థానికరాలైన తనను గెలిపించాలని కరపత్రాలు పంచుతూ ప్రచారం చేపట్టారు. గతంలో రోడ్డు విస్తరణలో చాలామందికి టీడీఆర్ బండ్లు అందలేదని, అలాగే కొంతమందికి చెక్కులు ఇస్తే కమిషన్లు ఇవ్వాలని ఇబ్బందులకు గురి చేసినట్లు తనకు సమాచారం ఉందన్నారు. ప్రజలను ఇబ్బంది పెడితే ఎవరిని వదిలిపెట్టే ప్రసక్తి లేదని ఆమె హెచ్చరించారు. డివిజన్లో ఏ సమస్య వచ్చినా తన దృష్టికి తీసుకురావాలని, ఆ సమస్యను పరిష్కారం కోసం ఆ సంబంధిత అధికారులకు సమాచారం ఇచ్చి సమస్యను పరిష్కరిస్తానని తెలిపారు. గతంలో పనిచేసిన అనుభవంతో అధికారుల సమన్వయంతో డివిజన్ అభివృద్ధికి కృషి చేస్తానని భరోసా ఇచ్చారు. నవంబర్ ఒకటో తేదీ జరిగే మున్సిపల్ కార్పొరేషన్ ఎన్నికలలో తనతో పాటు మేయర్ అభ్యర్థి జేబీ శ్రీనివాస్కు సైకిల్ గుర్తుపై ఓటు వేసి అఖండ మెజార్టీతో గెలిపించాలని ప్రార్థించారు. ఈ కార్యక్రమంలో కూటమి నాయకులు ఢిల్లీ బాబు, డాక్టర్ స్వప్న ప్రియ, వాసంతి, స్రవంతి, జయంతి, విజయ్, సుబ్బయ్య, చైతన్య పాల్గొన్నారు. 

సీఎం గౌడ్ తిరుపతి స్టాఫ్ రిపోర్టర్