అద్దంకి మున్సిపల్ ఎన్నికల్లో తేదేపా గెలుపు ఖాయం. నియోజకవర్గ తేదేపా పరిశీలకులు.యం గంగాధర్.

అద్దంకి మున్సిపల్ ఎన్నికల్లో అద్దంకి మున్సిపాలిటీ కి కూటమి చైర్మన్ అభ్యర్ధిగా  పోటీ చేస్తున్న కాకాని అశోక్ ఎన్నికల ప్రచార కార్యక్రమంలో బాగంగా పట్టణంలోని 27 వ జనసేన కౌన్సిలర్ అభ్యర్థి షేక్ రుబియా తో కలిసి వార్డ్ లో ఇంటింటి ప్రచారం చేశారు. ఈ ఎన్నికల ప్రచారం లో తేదేపా నియోజకర్గ ఎన్నికల పరిశీలకులు,రాష్ట్ర తేదేపా పార్టీ కార్యదర్శి  మద్దిరాల గంగాధర్ హాజరై మున్సిపల్ ఎన్నికల్లో కూటమి చైర్మన్ అభ్యర్థి కాకాని అశోక్, 29 వార్డుల్లో కౌన్సిలర్ లు గా పోటీ చేస్తున్న కౌన్సిలర్ అభ్యర్థులు ను అత్యధిక మెజారిటీ తో గెలిపించాలని ఓటర్లను అభ్యర్థించారు.

అనంతరం మున్సిపల్  ఎన్నికల పై కూటమి పార్టీ లు తేదేపా, జనసేన, బీజేపీ పార్టీ నాయకులతో సమీక్ష నిర్వహించి ఎన్నికల్లో అనుసరించాల్సిన వ్యూహాల పై సూచనలు చేశారు. ఈ కార్యక్రమంలో 27 వార్డ్ తేదేపా ఇంచార్జి దామా హనుమంతరావు, మాజీ ఎంపీపీ మన్నెం ఏడుకొండలు, నియోజకవర్గ జనసేన ఇంచార్జి నరహరి, గోరంట్ల సాయి, కాకాని రాధాకృష్ణమూర్తి, బిజెపి ఇంచార్జి జాగర్లమూడి యలమందరావు, బిజెపి మహిళా నాయకులు రూపాంజలి, నాయకులు, కార్యకర్తలు, అభిమానులు మహిళలు పాల్గొన్నారు.