మన్నెమాల సుకుమార్ రెడ్డిని కలిసిన 14, 15 వార్డుల వీర మహిళలు
సుకుమార్ రెడ్డికి ఘనంగా సన్మానం జనసేన బలోపేతానికి వీర మహిళల హామీ
కావలి, మేజర్ న్యూస్ : నెల్లూరు జిల్లా కావలి పట్టణంలోని 14, 15 వార్డులకు చెందిన జనసేన వీర మహిళలు మంగళవారం జనసేన నాయకులు శ్రీ మన్నెమాల సుకుమార్ రెడ్డిని ఆయన నివాసంలో మర్యాదపూర్వకంగా కలిశారు. ఈ సందర్భంగా వీర మహిళలు సుకుమార్ రెడ్డికి శాలువాలు కప్పి, పూలమాలలతో ఘనంగా సన్మానించారు. రాబోయే రోజుల్లో సుకుమార్ రెడ్డి గారి నాయకత్వానికి పూర్తి అండదండలు అందిస్తామని, కావలి పట్టణంలో జనసేన పార్టీ బలోపేతానికి ప్రతి ఒక్కరం శక్తివంచన లేకుండా కృషి చేస్తామని ఈ సందర్భంగా వీర మహిళలు స్పష్టం చేశారు. నాయకుడి అడుగుజాడల్లో నడుస్తూ పార్టీ ఆశయాలను ప్రజల్లోకి బలంగా తీసుకెళ్తామని హామీ ఇచ్చారు. ఈ కార్యక్రమంలో పలువురు జనసేన పార్టీ ముఖ్య నాయకులు, కార్యకర్తలు మరియు వార్డుల వీర మహిళలు పెద్ద సంఖ్యలో పాల్గొన్నారు.
