గిద్దలూరు తాగునీటి సమస్యకు శాశ్వత పరిష్కారమే లక్ష్యం - ఎమ్మెల్యే ముత్తుముల

 గిద్దలూరు, మేజర్ న్యూస్ :  నియోజకవర్గంలో నెలకొన్న తాగునీటి సమస్యను పరిష్కరించేందుకు మార్కాపురం జిల్లా కలెక్టర్  విజయ సునీత గారితో  ఎమ్మెల్యే  ముత్తుముల అశోక్ రెడ్డి గ సమాలోచనలు నిర్వహించారు. నియోజకవర్గంలోని పట్టణ, గ్రామీణ ప్రాంతాల్లో తాగునీటి సరఫరా పరిస్థితి, నీటి లభ్యత, బోర్లు ఎండిపోవడం తదితర అంశాలపై చర్చించారు.ప్రజలకు తాగునీటి ఇబ్బందులు కలగకుండా తక్షణ చర్యలతో పాటు దీర్ఘకాలిక పరిష్కార మార్గాలపై దృష్టి సారించాలని ఎమ్మెల్యే అశోక్ రెడ్డి  అధికారులను కోరారు. అవసరమైన చోట్ల ప్రత్యామ్నాయ నీటి వనరుల ఏర్పాటు, బోర్ల మరమ్మతులు, ట్యాంకర్ల ద్వారా నీటి సరఫరా వంటి చర్యలను సమన్వయంతో చేపట్టి ప్రజలకు నిరంతర తాగునీటి సౌకర్యం కల్పించేలా చర్యలు తీసుకోవాలని సూచించారు.