మల్లేశ్వరంలో పుష్కర శోభ

నేటి దినపత్రిక సూర్య బ్యూరో రాజమహేంద్రవరంనిడదవోలు నియోజకవర్గ సమగ్ర అభివృద్ధే ధ్యేయంగా పర్యాటక, సాంస్కృతిక, సినిమాటోగ్రఫీ శాఖల మంత్రి కందుల దుర్గేష్ ప్రత్యేక శ్రద్ధ వహిస్తున్నారు. ఆయన నిరంతర కృషి, చొరవతో పెరవలి మండలంలోని మల్లేశ్వరం గ్రామం అభివృద్ధి పథంలో పయనిస్తూ సరికొత్త శోభను సంతరించుకుంటోంది.రాబోయే 2027 గోదావరి పుష్కరాలను దృష్టిలో ఉంచుకుని భక్తులు, స్థానికుల సౌకర్యార్థం గ్రామంలో రూ.98 లక్షల వ్యయంతో మంత్రి దుర్గేష్ సీసీ రోడ్డు మంజూరు చేయించారు. అదే విధంగా రూ.60 లక్షలతో స్థానిక గోదావరి ఘాట్‌ను భక్తులకు అనుకూలంగా, అత్యంత సుందరంగా తీర్చిదిద్దనున్నారు. మల్లేశ్వరం గ్రామాభివృద్ధిపై మంత్రి కందుల దుర్గేష్ ప్రత్యేక దృష్టి సారించి కేవలం రెండేళ్లలోనే సీఎం చంద్రబాబునాయుడు, డిప్యూటీ సీఎం పవన్ కళ్యాణ్ ల సహకారంతో పల్లె పండుగ, జల్ జీవన్ మిషన్, ఎంపీపీ,పంచాయతీ నిధులతో గ్రామంలో రూ.3.83 కోట్లతో వివిధ అభివృద్ధి, సంక్షేమ కార్యక్రమాలు చేపట్టారు. అదే విధంగా రూ.8 లక్షలతో 4  గోకులం షెడ్లు ఏర్పాటు చేశారు. దీనికితోడు అధ్యాత్మిక రంగానికి ప్రాధాన్యమిస్తూ టీటీడీ శ్రీవాణి ట్రస్ట్ ద్వారా స్థానిక శ్రీ వినాయకస్వామి దేవాలయ ప్రగతికి రూ.20 లక్షల నిధులు మంజూరు చేయించడంలో మంత్రి దుర్గేష్ కీలక పాత్ర పోషించారు. మల్లేశ్వరం గ్రామాన్ని మోడల్ గ్రామంగా తీర్చిదిద్దేందుకు నిరంతరం శ్రమిస్తున్న మంత్రి కందుల దుర్గేష్ కి  గ్రామస్తులు, కూటమి నాయకులు, ప్రజాప్రతినిధులు ప్రత్యేక ధన్యవాదాలు తెలుపుతూ హర్షం వ్యక్తం చేస్తున్నారు.