మహిళపై కోతి దాడి 60 కుట్టు
ఇంకొల్లు, మేజర్‌న్యూస్ :
ఇంకొల్లుకు చెందిన షేక్‌ హుస్సెన్‌బీ కరెంటు లేక పోవటంతో ఇంటి ఆవరణలో బయట కూర్చోని ఉంది. పంచాయితీ కార్యాలయం వద్ద నుండి వచ్చిన
కోతి ఒక్క సారిగా హుస్సెన్‌బీ పైన పడి దారుణంగా కొరికింది. దీంతో సమీపంలోని ప్రైవేటు ఆసుపత్రికి తరలించారు. 60 కుట్టు పడ్డాయి. ఇప్పటికే
రు. 50 వేలకు పైగా ఖర్చు అయ్యాయని ఆవేదన వ్యక్తం చేశారు. జరిగిన సంఘటనను గ్రామ పంచాయతి దృష్టికి తీసుకు వెళ్ళటంతో సమస్యను
పరిశీలిస్తామన్నారు. ఇదే రోడ్డులో మండల ప్రాధమిక పాఠశాల, జిల్లా పరిషత్‌ ఉన్నత పాఠశాల మరియు బాలికోన్నత పాఠశాలలతో పాటు ప్రైవేటు
పాఠశాలలు, కళాశాలలు ఉన్నాయి. దీంతో తల్లిదండ్రులు పిల్లలను పాఠశాలలకు పంపాలంటే భయపడుతున్నారు. ఇంకొల్లులో కోతుల సంచారం
ఎక్కువగా ఉందని ప్రజలు భయభ్రాంతులకు గురవుతున్నారు. ఇప్పటికైన సంబంధిత అధికారులు కోతులను పంపించే విషయంలో సత్వర చర్యలు
తీసుకోవాలని ప్రజలు కోరుతున్నారు.
