మడకశిరలో యువతకు ఉద్యోగ భరోసా
అనంతపురం బ్యూరో
మడకశిరలో యువతకు ఉద్యోగ భరోసా
జాబ్మేళాలో ఎంపికైన వారికి అపాయింట్మెంట్ లెటర్లు
మడకశిర: స్థానిక ప్రభుత్వ SYTR డిగ్రీ కళాశాలలో నిర్వహించిన జాబ్మేళాలో పలువురు యువత వివిధ ఉద్యోగాలకు ఎంపికయ్యారు. టీడీపీ రాష్ట్ర ఉపాధ్యక్షులు, మాజీ ఎమ్మెల్సీ గుండుమల తిప్పేస్వామి ఎంపికైన వారికి అపాయింట్మెంట్ లెటర్లు అందజేసి అభినందించారు.
KIML, LIC, BELL, FASCON, FINE TOOL, LMS, TATA కన్స్ట్రక్షన్, KIA అనుబంధ సంస్థలు జాబ్మేళాలో పాల్గొని యువతకు ఉద్యోగ అవకాశాలు కల్పించాయి. యువతకు ఉపాధి అవకాశాలు కల్పించే ఇలాంటి కార్యక్రమాలను మరింత విస్తృతంగా నిర్వహించాల్సిన అవసరం ఉందని గుండుమల తిప్పేస్వామి పేర్కొన్నారు.
కార్యక్రమంలో రాష్ట్ర బాలల హక్కుల కమిషన్ సభ్యులు డాక్టర్ శ్రీనివాస్ మూర్తి, కళాశాల ప్రిన్సిపాల్ రవికుమార్, వివిధ కంపెనీల మేనేజర్లు తదితరులు పాల్గొన్నారు.
