andhrapradesh
కృష్ణానదిలో మృతదేహం లభ్యం
కృష్ణానదిలో గల్లంతైన బాలస్వామి మృతదేహం లభ్యం
అవనిగడ్డ, అక్టోబర్5, మేజర్ న్యూస్: కృష్ణా నదిలో గల్లంతైన పాత ఎడ్లంక గ్రామానికి చెందిన మునిపల్లి బాలస్వామి (70) మృతదేహం సోమవారం తెల్లవారుజామున లభ్యమైంది. ఆదివారం సాయంత్రం పశువులను మేపేందుకు మధ్యలంకకు వెళ్లిన బాలస్వామి తిరిగి వస్తుండగా ప్రమాదవశాత్తు కృష్ణానదిలో మునిగిపోయారు.
సమాచారం అందుకున్న గ్రామస్తులు, జాలర్లు ఆదివారం సాయంత్రం నుంచి నాలుగు పడవలపై నదిలో గాలింపు చర్యలు చేపట్టారు. సోమవారం తెల్లవారుజామున సుమారు 6 గంటల సమయంలో బాలస్వామి మృతదేహం లభ్యమైంది. మృతదేహాన్ని ఒడ్డుకు తీసుకువచ్చారు. బాలస్వామి మృతితో పాత ఎడ్లంక గ్రామంలో విషాదఛాయలు అలముకున్నాయి. సూర్య ప్రతినిధి అజంతా శ్రీను
