andhrapradesh
కొత్తమ్మతల్లి ఉత్సవాల్లో ప్రత్యేక ఆకర్షణగా హెలీ రైడ్ టూరిజం*
- హెలీ రైడ్ టూరిజం సేవలను ప్రారంభించిన కేంద్ర, రాష్ట్ర మంత్రులు
కోటబొమ్మాళి, అక్టోబరు 13, మేజర్ న్యూస్: శ్రీ కొత్తమ్మతల్లి 101వ వార్షిక జాతర మహోత్సవాల్లో హెలీ రైడ్ టూరిజం ప్రత్యేక ఆకర్షణగా నిలిచింది. కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు, రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు హెలీ రైడ్ టూరిజం సేవలను ప్రారంభించారు. మూడు రోజుల పాటు నిర్వహించే ఈ హెలీ రైడ్లు భక్తులు, పర్యాటకులకు సరికొత్త అనుభూతిని అందించనున్నాయి. ఈ కార్యక్రమం ద్వారా కోటబొమ్మాళి ప్రాంత పర్యాటక ఆకర్షణ మరింత పెరగడంతో పాటు, ప్రాంతీయ పర్యాటక అభివృద్ధికి దోహదపడుతుందని మంత్రులు పేర్కొన్నారు.
