కూటమి అభ్యర్థుల గెలుపుకై ఎమ్మెల్యే బీవీ విస్తృత ప్రచారం

కూటమి అభ్యర్థుల గెలుపుకై ఎమ్మెల్యే బీవీ విస్తృత ప్రచారం 
ఎమ్మిగనూరు, సూర్య ప్రతినిధి
ఎమ్మిగనూరు మున్సిపాలిటీ ఎన్నికల సందర్భంగా మున్సిపల్ వార్డు కౌన్సిలర్ల గెలుపు కోసం స్థానిక ఎమ్మెల్యే బీవీ జయ నాగేశ్వర్ రెడ్డి శనివారం ఉదయం నుండి విస్తృతంగా ప్రచారం ఆరంభించారు. ఒకటో వార్డు నుండి 13 వార్డుల వరకు ఆయన కూటమి అభ్యర్థుల గెలుపు కోసం ముమ్మర ప్రచారం చేపట్టారు. కూటమి ప్రభుత్వం అధికారంలోకి వచ్చాక చేసిన అభివృద్ధిని వివరిస్తూ మరింత అభివృద్ధి చెందాలంటే మున్సిపల్ ఎన్నికల్లో కౌన్సిలర్లను గెలిపించి తీరాలని కోరారు. ప్రతి వార్డును  అభివృద్ధి చేయడమే తన ముందున్న ప్రధాన కర్తవ్యం అన్నారు. ఎమ్మిగనూరులో ఏదైనా అభివృద్ధి జరిగిందంటే అది బీవీ మార్క్ అభివృద్ధి అని ఇక్కడ ప్రజలు తెలుసుకోవాలన్నారు. రానున్న రోజుల్లో తాగునీటి కష్టాలు తీర్చేందుకు గాజులదిన్నె ప్రాజెక్టు నుండి 24 గంటల తాగునీరు చర్యలు చేపడుతున్నామన్నారు. ప్రతి వీధిలో మౌలిక వసతులు కల్పించే లక్ష్యంగా పురపాలన కొనసాగిస్తామని ఓటర్లు ఆశీర్వదించి ప్రతి కౌన్సిలర్ను పొరపాలక సంఘానికి గెలిపించి పంపాలని కోరారు. ఆయన వెంట టిడిపి పట్టణ అధ్యక్షుడు మాచాని మహేష్, చైర్మన్ అభ్యర్థి మాచాని సునీత టిడిపి నాయకులు కార్యకర్తలు పాల్గొన్నారు.
రాజా శరత్ కుమార్ సూర్య ప్రతినిధి ఎమ్మిగనూర్ కర్నూలు జిల్లా