కూటమి అభ్యర్థుల గెలుపే లక్ష్యంగా మండలి వెంకట్రామ్ ప్రచారం

అవనిగడ్డ, మేజర్ న్యూస్: స్థానిక సంస్థల ఎన్నికల్లో కూటమి అభ్యర్థులను అత్యధిక మెజారిటీతో గెలిపించాలని కోరుతూ అవనిగడ్డ ఎమ్మెల్యే తనయుడు మండలి వెంకట్రామ్ ఆదివారం ఎన్నికల ప్రచారం నిర్వహించారు.  మండల పరిధిలోని దక్షిణ చిరువోలులంకలో టీడీపీ, బీజేపీ బలపరిచిన జనసేన పార్టీ ఎంపీటీసీ అభ్యర్థి పండ్రాజు లంకమ్మ ప్రసాద్ తో  కలిసి ఆయన ఇంటింటి ప్రచారం చేపట్టారు. కూటమి బలపరిచిన జడ్పీటీసీ, ఎంపీటీసీ అభ్యర్థులకు ఓటు వేసి గెలిపించాలని ఓటర్లను అభ్యర్థించారు. ఈ ప్రచారంలో లంకమ్మ ప్రసాద్ కు మద్దతుగా టీడీపీ, జనసేన పార్టీల నాయకులు, కార్యకర్తలు పాల్గొన్నారు.✍️ అజంతా శ్రీనివాస్, అవనిగడ్డ, కృష్ణాజిల్లా.