కాంగ్రెస్ శ్రేణులకు దిశా నిర్దేశం చేసిన రాష్ట్ర వ్యవహారాల ఇంచార్జ్ పీ.వీ.మోహన్
ఘనంగా సత్కరించిన అనకాపల్లి జిల్లా అధ్యక్షులు గుమ్మెళ్ల గోవిందరావు
ఎస్.రాయవరం, సెప్టెంబర్ 23, మేజర్ న్యూస్:
రాష్ట్రంలో స్థానిక సంస్థల ఎన్నికలు సమీపిస్తున్న నేపథ్యంలో కాంగ్రెస్ పార్టీ శ్రేణులు గ్రామస్థాయి నుంచి పార్టీని బలోపేతం చేయాలని ఆంధ్రప్రదేశ్ రాష్ట్ర కాంగ్రెస్ పార్టీ వ్యవహారాల ఇన్చార్జి పీవీ మోహన్ పిలుపునిచ్చారు. ఇటీవల విజయవాడలోని ఆంధ్రరత్న భవన్లో ఆంధ్రప్రదేశ్ కిసాన్ కాంగ్రెస్ అధ్యక్షుడు కామన ప్రభాకర్రావు ఆధ్వర్యంలో 26 జిల్లాల కిసాన్ కాంగ్రెస్ అధ్యక్షులతో సమీక్షా సమావేశం నిర్వహించారు. ఇందుకు సంబందించిన వివరాలను కిసాన్ కాంగ్రెస్ సెల్ జిల్లా అధ్యక్షులు గుమ్మెళ్ల గోవిందరావు బుధవారం వెల్లడించారు.
ముఖ్యంగా, పార్టీ వ్యవహారాల రాష్ట్ర ఇంచార్జ్ పీవీ మోహన్ మాట్లాడుతూ, ప్రతి కార్యకర్త గ్రామస్థాయిలో సమావేశాలు నిర్వహించి ప్రజలను, రైతులను పార్టీతో అనుసంధానం చేయాలని సూచించారన్నారు. రాబోయే స్థానిక సంస్థల ఎన్నికల్లో ప్రతి బూత్లో కాంగ్రెస్ పార్టీ హస్తం గుర్తు కనిపించేలా క్షేత్రస్థాయిలో పార్టీ శ్రేణులు పనిచేయాలని ఆదేశించారన్నారు. మండలాలు, మున్సిపాలిటీలు, వార్డుల్లో పోటీ చేసేందుకు కార్యకర్తలు ఇప్పటి నుంచే సిద్ధం కావాలని పార్టీ శ్రేణులకు పిలుపునిచ్చారని గోవిందరావు చెప్పారు. కార్యక్రమంలో కిసాన్ కాంగ్రెస్ రాష్ట్ర అధ్యక్షుడు కామన ప్రభాకర్రావు మాట్లాడుతూ, కిసాన్ కాంగ్రెస్ జిల్లా అధ్యక్షులు తమ పరిధిలో మండలాలు, నియోజకవర్గాల వారీగా నాయకులను నియమించి సంస్థాగతంగా పార్టీని బలోపేతం చేయాలని సూచించారని చెప్పారు.
*పార్టీ వ్యవహారాల ఇంచార్జ్ ను సత్కరించిన గోవిందరావు:*
ఆంధ్రప్రదేశ్ రాష్ట్ర కాంగ్రెస్ పార్టీ వ్యవహారాల ఇన్చార్జి పీవీ మోహన్ను అనకాపల్లి జిల్లా కిసాన్ కాంగ్రెస్ అధ్యక్షుడు గుమ్మెళ్ల గోవిందరావు సన్మానించి ప్రత్యేక జ్ఞాపికను అందజేశారు. కార్యక్రమంలో 26 జిల్లాల కిసాన్ కాంగ్రెస్ అధ్యక్షులు, నాయకులు, కార్యకర్తలు పాల్గొన్నారని గోవిందరావు వివరించారు.
