కాణిపాకంను సందర్శించిన బిజివేముల వినాయకుడికి పట్టు వస్త్రాలు సమర్పణ

మర్రిపాడు మేజర్ న్యూస్:   ప్రముఖ పుణ్యక్షేత్రమైన చిత్తూరు జిల్లాలోని శ్రీ కాణిపాక వరసిద్ధి వినాయక దేవస్థానాన్ని నెల్లూరు జిల్లాలోని మర్రిపాడు మండలం బ్రాహ్మణపల్లి గ్రామానికి చెందిన అన్నవరం దేవస్థానం డైరెక్టర్ బిజివేముల సురేంద్రనాథ్ రెడ్డి సందర్శించారు. ఈ తరుణంలో అన్నవరం వీర వెంకట సత్యనారాయణ స్వామి దేవస్థానం నుంచి పట్టు వస్త్రాలు తెచ్చి వినాయకుడికి సమర్పించారు. అనంతరం ఆలయంలో కుటుంబ సమేతంగా ప్రత్యేక పూజలు చేశారు. కాణిపాక వినాయక స్వామి దేవస్థాన ఈవోతో కలిసి ఆలయం యొక్క సారాంశాన్ని తెలుసుకున్నారు. అన్నవరం దేవస్థాన డైరెక్టర్ గా బాధ్యతలు చేపట్టిన తరుణములో మొట్టమొదటిసారిగా కాణిపాకం దేవస్థానానికి వచ్చిన సురేంద్రనాథ్ రెడ్డికి ఆలయ ఈవో ఘనంగా స్వాగతం పలికి వినాయక స్వామి చిత్రపటాన్ని బహుకరించారు. రాష్ట్ర దేవాదాయ శాఖ మంత్రి మరియు ఆత్మకూరు నియోజకవర్గ శాసనసభ్యులు ఆనం రామనారాయణరెడ్డి సహకారంతో అన్నవరం దేవస్థానానికి డైరెక్టర్ గా ఎంపికై కాణిపాక వరసిద్ధి వినాయకుడికి పట్టు వస్త్రాలు సమర్పించే అవకాశం దక్కిందని హర్షం వ్యక్తం చేశారు. అంతేకాకుండా ఈ అవకాశం తనకు దక్కడం అదృష్టంగా భావిస్తున్నామని తెలియజేశారు.