హెల్మెట్ ధరించిన ప్రయాణం,సుఖ ప్రయాణం: ఎస్ ఐ అమీర్

భట్టిప్రోలు, మేజర్ న్యూస్: శిరోరక్ష--ప్రాణ రక్ష కార్యక్రమంలో భాగంగా మండల కేంద్రంలోని 216 జాతీయ రహదారి వేమవరం కూడలి వద్ద భట్టిప్రోలు ఎస్ ఐ అమీర్ ఆధ్వర్యంలో  హెల్మెట్ ప్రయాణం... సురక్షిత ప్రయాణం పై అవగాహన కార్యక్రమాన్ని శుక్రవారం నిర్వహించారు. ఈ సందర్భంగా ఎస్ ఐ అమీర్ మాట్లాడుతూ హెల్మెట్ ధరించడం వలన,యాక్సిడెంట్లు జరిగిన సందర్భంలో ప్రాణాపాయం నుంచి బయటపడవచ్చని, తెలిపారు. మీకోసం, మీ కుటుంబం కోసం హెల్మెట్ ధరించాలని ఎస్ ఐ అమీర్ పేర్కొన్నారు. మండల పరిధిలోని ద్విచక్ర వాహనదారులకు హెల్మెట్ ఆవశ్యకతపై అవగాహన కల్పించారు. యువత మేల్కొని తప్పనిసరిగా హెల్మెట్ ధరించాలని సూచించారు.హెల్మెట్ లేకుండా ప్రయాణించడం ప్రమాదకరమని, మీ కుటుంబం కోసం, మీ భవిష్యత్తు కోసం హెల్మెట్ తప్పనిసరిగా ఉపయోగించాలని తెలిపారు. వాహనదారులు నిబంధనలు పాటించి సురక్షితంగా ప్రయాణించాలని, హెల్మెట్ లేకుండా తిరిగితే కఠిన చర్యలు తీసుకుంటామని ఎస్ఐ అమీర్ హెచ్చరించారు. కార్యక్రమంలో వాహనదారులు, మీడియా మిత్రులు, పోలీస్ సిబ్బంది పాల్గొన్నారు.