హామ్‌(హెచ్‌ఎఎం)తో పురపాలక సంఘాలకు మహర్ధశ - ఎంఎల్ఏ పాశిం
గూడూరు, మేజర్‌న్యూస్‌ : పురపాలక సంఘాలకు కూటమి ప్రభుత్వంలో మహర్ధశని ఎంఎల్ఏ డాక్టర్‌ పాశిం సునీల్‌కుమార్‌ పేర్కొన్నారు. సోమవారం ఉదయం గూడూరు పురపాలక సంఘ కార్యాలయంలో హామ్‌(హైబ్రిడ్‌ యాన్యుటీ మోడ్‌) పథకం ద్వారా 30 కోట్ల రూపాయలతో సిసి రోడ్లు కాలువలు లైటింగ్ మౌలికవసతుల ఏర్పాటుకు శంకుస్థాపన చేశారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ ఈ పథకంతో పురపాలక సంఘాల్లో మౌళిక వసతుల కల్పనకు అధిక ప్రాధాన్యం ఇస్తున్నట్లు తెలిపారు. గత ప్రభుత్వంలో ఒక్క అభివృద్ధి పని కూడా జరగలేదని వార్డుల్లో ప్రధాన సమస్యలు నాయకులు తెలియజేస్తే వాటి పరిష్కారానికి ప్రాధాన్యత ఇస్తామని అన్నారు. జనసేన బిజెపి నాయకులు కూడా ఎక్కడైనా రోడ్లు సిసి కాలువలు కావాలంటే తెలియజేయాలని కోరారు. పనిచేసే ప్రభుత్వాన్ని మరలా ఆశీర్వదిస్తే ఇంకా ఎంతో అభివృద్ధి జరుగుతుందని పేర్కొన్నారు.ఈ సందర్శంగా పలువురికి నివేశ స్థలాల పొజిషన్ సర్టిఫికెట్లను అందజేశారు. టిడిపి ప్రభుత్వంలోనే పట్టణంలో ఎన్నో అభివృద్ధి పనులు చేయడం జరిగిందని పేర్కొన్నారు. ఈ కార్యక్రమంలో మున్సిపల్ కమిషనర్ మల్లికార్జునరావు, నాయకులు కిరణ్ కుమార్, చెంచురామయ్య, భాస్కర్ రెడ్డి, మట్టం శ్రావణి, భారతమ్మ, అబ్దుల్‌ రహీం, పులిమి శ్రీనివాసులు ,శివకుమార్, హరికుమార్, చంద్ర నీల్, దయాకర్, శివకుమార్ తదితరులు పాల్గొన్నారు.
