గాంధీజీ విగ్రహానికి ఘన నివాళులు...
పొదలకూరు, మేజర్ న్యూస్ : జాతిపిత మహాత్మా గాంధీ 157వ జయంతిని పురస్కరించుకుని పొదలకూరులో శుక్రవారం గాంధీ జయంతి వేడుకలను ఘనంగా నిర్వహించారు. స్థానిక ఆర్‌అండ్‌బీ గెస్ట్‌హౌస్‌ సమీపంలోని గాంధీజీ విగ్రహానికి పలువురు నాయకులు, ఆర్యవైశ్య సంఘం ప్రతినిధులు, వ్యాపారవేత్తలు పూలమాలలు వేసి ఘనంగా నివాళులర్పించారు.
ఈ కార్యక్రమంలో పొదలకూరు మండల అధ్యక్షుడు, పీఏసీఎస్‌ చైర్మన్‌ తలచీరు మస్తాన్‌బాబు, పొదలకూరు మండల టౌన్‌ అధ్యక్షుడు బొద్దులూరు మల్లికార్జున నాయుడు, ఏఎంసీ డైరెక్టర్ పిన్నేల ప్రభాకర్, ఎస్‌పీఎస్‌ఆర్‌ నెల్లూరు రూరల్‌ ఆర్యవైశ్య సంఘం గౌరవ సలహాదారు అమర్తలూరు చెంచయ్య, తెలుగుదేశం పార్టీ సీనియర్‌ నాయకుడు ఆకులూరు విజయ్‌కుమార్, పొదలకూరు మండల ట్రేడ్‌ సెల్‌ కమిటీ అధ్యక్షుడు గుఱ్ఱం మీరామధు, ట్రేడ్‌ సెల్‌ కమిటీ ఉపాధ్యక్షుడు అనిశెట్టి వీరేంద్ర, తన్నీరు సురేష్‌బాబు తదితరులు పాల్గొన్నారు.ఈ సందర్భంగా నాయకులు మాట్లాడుతూ మహాత్మా గాంధీ దేశానికి అందించిన సేవలను, సత్యం, అహింస, శాంతి, స్వావలంబన వంటి ఆయన ఆశయాలను స్మరించుకున్నారు. గాంధీజీ చూపిన సత్యం, అహింస మార్గాలు నేటి సమాజానికి కూడా ఆదర్శప్రాయమని పేర్కొన్నారు. అక్టోబర్ 2న గాంధీ జయంతిని దేశవ్యాప్తంగా స్మరించుకోవడంతో పాటు అహింస, శాంతి, సామరస్య విలువలను ఆచరణలో పెట్టాల్సిన అవసరం ఉందని పలువురు పేర్కొన్నారు.అనంతరం కార్యక్రమానికి హాజరైన వారితో పాటు స్థానికులకు బిస్కెట్లు పంపిణీ చేశారు. ఆర్యవైశ్య సంఘం సోదరులు, వ్యాపారవేత్తలు, స్థానికులు తదితరులు కార్యక్రమంలో పాల్గొని మహాత్మా గాంధీకి నివాళులర్పించారు.
