అనంతలో అక్టోబర్ 4న ఆర్‌డీటీ బాలుర క్రికెట్ సెలక్షన్స్

(మల్లికార్జున నేటి దినపత్రిక సూర్య స్టాఫ్ రిపోర్టర్)

గ్రామీణ ప్రాంతాల్లో ప్రతిభ ఉన్న బాలుర క్రికెటర్లను గుర్తించేందుకు ఆర్‌డీటీ ఆధ్వర్యంలో అనంతపురం పట్టణంలోని ఆర్‌డీటీ మైదానంలో అక్టోబర్ 4న ఉదయం 9 గంటలకు క్రికెట్ సెలక్షన్స్ నిర్వహించనున్నారు. అండర్-15, అండర్-18 విభాగాల్లో ఎంపికలు జరుగుతాయి. అనంతపురం నియోజకవర్గంలోని పట్టణ, మండల, పరిసర ప్రాంతాలకు చెందిన ఆసక్తి ఉన్న యువ క్రికెటర్లు పాల్గొనవచ్చు. ఎంపికకు హాజరయ్యేవారు తెల్లటి దుస్తులు, షూస్, యూనిఫామ్‌తో పాటు సొంత క్రికెట్ కిట్ తీసుకురావాలి. మైదానంలోనే పేర్లు నమోదు చేసుకోవచ్చు. ఆర్‌డీటీ క్రికెట్ డెవలప్‌మెంట్ కమిటీ చైర్మన్ మచ్చా రామలింగారెడ్డి పర్యవేక్షణలో సెలక్షన్స్ జరుగుతాయని స్పోర్ట్స్ విభాగం డైరెక్టర్ సాయి కృష్ణ తెలిపారు.