andhrapradesh
రోడ్డు భద్రతపై వాహనదారులకు ఎల్ కోట పోలీసుల అవగాహన
లక్క వరపు కోట , అక్టోబర్ 2 మేజర్ న్యూస్ :
లక్కవరపుకోట మండలం రంగరాయపురం గ్రామం వద్ద విశాఖపట్నం–అరకు ప్రధాన రహదారిపై ఏర్పాటు చేసిన స్టాపర్ల వద్ద వాహనదారులకు రోడ్డు భద్రతా ప్రమాణాలపై గాంధీ జయంతి సందర్బంగా పోలీసులు అవగాహన కల్పించారు. శుక్రవారం ఎల్.కోట ఎస్‌ఐ జె. రామకృష్ణ ఆధ్వర్యంలో పోలీస్‌స్టేషన్ సిబ్బంది రోడ్డు భద్రతకు సంబంధించిన గోడపత్రికలను ప్రదర్శిస్తూ వాహనదారులకు పలు సూచనలు చేశారు.
ఈ సందర్భంగా ఎస్‌ఐ రామకృష్ణ మాట్లాడుతూ వాహనదారులు సురక్షిత ప్రయాణం కోసం తప్పనిసరిగా రోడ్డు భద్రతా నియమాలను పాటించాలని సూచించారు. ద్విచక్ర వాహనదారులు హెల్మెట్ ధరించాలని, నిర్ణీత వేగ పరిమితిలోనే వాహనాలు నడపాలని, ట్రాఫిక్ నిబంధనలను ఉల్లంఘించకుండా జాగ్రత్తలు తీసుకోవాలని కోరారు. ప్రమాదాల నివారణకు ప్రతి ఒక్కరూ బాధ్యతగా వ్యవహరించాలని ఆయన సూచించారు.
