గాంధీజీ ఆశయాలను స్ఫూర్తిగా తీసుకోవాలి

బుచ్చిరెడ్డిపాలెం,మేజర్ న్యూస్  :  గాంధీజీ ఆశయాలను ప్రతి ఒక్కరూ స్ఫూర్తిగా తీసుకొని జీవితం కొనసాగించాలని బుచ్చిరెడ్డిపాలెం మున్సిపల్ చైర్ పర్సన్ మోర్ల సుప్రజా మురళి పేర్కొన్నారు. గాంధీజీ 157 వ జయంతిని పురస్కరించుకొని శుక్రవారం మున్సిపల్ కమీషనర్ ఇనమల చిన్నబాబు తో కలసి ముంబై రోడ్ లోని మహాత్ముని విగ్రహానికి పూలమాలవేసి నివాళులర్పించారు. ఈ సందర్భంగా వారు మాట్లాడుతూ గాంధీజీ చూపిన అహింస, సత్యం, శాంతి మార్గాలను ప్రతి ఒక్కరూ ఆదర్శంగా తీసుకుని మనుగడ సాగించాలన్నారు. సమాజాభివృద్ధికి, ప్రజా సంక్షేమానికి గాంధీజీ ఆశయాలను స్ఫూర్తిగా  తీసుకొని పనిచేయాల్సిన అవసరం ఉందన్నారు. ఈ సందర్భంగా స్థానిక కాంగ్రెస్ నాయకులు చేసిన అల్పాహార వితరణ కార్యక్రమంలో పాల్గొని వడ్డించారు. పార్టీలకతీతంగా జరిగిన ఈ కార్యక్రమం ఆహ్లాదకరంగా సాగింది. కాంగ్రెస్ నాయకులు మున్సిపల్ కమిషనర్ కు శాలువా, పుష్పగుచ్చంతో  సత్కరించారు. అనంతరం మున్సిపల్ కార్యాలయంలో గాంధీజీ చిత్రపటానికి పూలమాల వేసి ఘనంగా నివాళులర్పించారు.ఈ కార్యక్రమంలో వైస్ చైర్మన్ ఎరటపల్లి వెంకట శివ కుమార్ రెడ్డి, కౌన్సిలర్లు పుట్టా లక్ష్మీకాంతమ్మ, చలం  చర్ల శ్రీదేవి, బెళ్ళుం మల్లారెడ్డి, సత్యం, ఉపాధ్యాయులు, సామాజికవేత్త గండికోట సుధీర్ కుమార్, మున్సిపల్ కార్యాలయ సిబ్బంది పాల్గొన్నారు.