ఎర్రగుడి పల్లె నాగలకట్ట ప్రాంతాల్లో యు జి డి తాగునీటి సమస్యలకు పరిష్కారం వైయస్ మనోహర్ రెడ్డి

యర్రగుడిపల్లి, నాగులకట్ట ప్రాంతాల్లో యూజీడీ, తాగునీటి సమస్యల పరిష్కారానికి చర్యలు
వైఎస్ మనోహర్ రెడ్డి

పులివెందుల మేజర్ న్యూస్:

పులివెందుల పట్టణంలోని యర్రగుడిపల్లి, నాగులకట్ట తదితర వీధుల్లో నెలకొన్న యూజీడీ  తాగునీటి సమస్యలను పరిష్కరించేందుకు తక్షణ చర్యలు చేపడతామని వైఎస్ మనోహర్ రెడ్డి తెలిపారు.
ఇటీవల కురిసిన వర్షాలకు శ్రీనివాస హాల్ వెనుక వైపు ఉన్న కాలనీలోని కొన్ని ఇళ్లలోకి వర్షపు నీరు చేరడంతో, వైఎస్ మనోహర్ రెడ్డి స్థానిక నాయకులతో కలిసి ఆయా ప్రాంతాల్లో పర్యటించి పరిస్థితిని పరిశీలించారు. స్థానిక ప్రజల సమస్యలను అడిగి తెలుసుకున్నారు.
వర్షపు నీరు నిలిచిపోకుండా, భవిష్యత్‌లో ఇళ్లలోకి నీరు చేరకుండా డ్రైనేజీ, యూజీడీ వ్యవస్థను పరిశీలించి అవసరమైన శాశ్వత చర్యలు చేపట్టేందుకు మున్సిపల్ అధికారులతో సమన్వయం చేస్తామని ఆయన తెలిపారు. అదేవిధంగా ఆయా ప్రాంతాల్లో తాగునీటి సమస్యలను కూడా పరిష్కరించేందుకు చర్యలు తీసుకుంటామని హామీ ఇచ్చారు.
ప్రజలకు ఇబ్బందులు కలగకుండా స్థానిక సమస్యలను గుర్తించి, వాటి పరిష్కారానికి ప్రాధాన్యత ఇస్తామని వైఎస్ మనోహర్ రెడ్డి పేర్కొన్నారు.
ఈ కార్యక్రమంలో పట్టణ అధ్యక్షుడు హాల్ గంగాధర్ రెడ్డి, ఉపాధ్యక్షుడు పార్నపల్లి కిషోర్, వైస్ చైర్మన్ హఫీజ్, మాజీ కౌన్సిలర్ పురుషోత్తం, మాజీ కో-ఆప్షన్ సభ్యుడు చంద్రమౌళి, వైసీపీ నాయకులు కొల్ల భాస్కర్, సాలవేముల బాబు తదితరులు పాల్గొన్నారు.