ఏపీసీపీడీసీఎల్ పరిధిలో 6, 7, 8 తేదీల్లో “సేవా సేతు అభియాన్” క్యాంపులు

కేంద్ర ప్రభుత్వం ప్రతిష్టాత్మకంగా అమలు చేస్తున్న పీఎం సూర్య ఘర్ – ముఫ్త్ బిజ్లీ యోజనలో భాగంగా దేశవ్యాప్తంగా అన్ని రాష్ట్రాల డిస్కమ్‌ల పరిధిలో “సేవా సేతు అభియాన్” క్యాంపులను నిర్వహించాలని ఆదేశాలు జారీ చేసింది. అక్టోబర్ 17 వరకు సబ్ డివిజన్, జిల్లా స్థాయిలో ఈ క్యాంపులను నిర్వహిస్తున్నారు.  ఏపీసీపీడీసీఎల్ ఆధ్వర్యంలో అక్టోబర్ 6, 7, 8 తేదీల్లో “సేవా సేతు అభియాన్” క్యాంపులను నిర్వహించనున్నట్లు  సీఎండీ  పి. పుల్లారెడ్డి తెలిపారు.  “ప్రతి ఇంటికి సౌర విద్యుత్‌ను చేరువ చేయడం, రూఫ్‌టాప్ సోలార్ విద్యుత్ ప్లాంట్ల ఏర్పాటుపై ప్రజల్లో అవగాహన కల్పించడమే సేవా సేతు అభియాన్ ప్రధాన ఉద్దేశ్యం” అని తెలిపారు.