ఏపీ మోడల్ స్కూల్ విద్యార్థినులు ఖోఖోలో - ప్రతిభ రాష్ట్రస్థాయి ఖోఖోకు ఇద్దరు విద్యార్థినులు..
ఏపీ మోడల్ స్కూల్ విద్యార్థినులు ఖోఖోలో - ప్రతిభ
రాష్ట్రస్థాయి ఖోఖోకు ఇద్దరు విద్యార్థినులు..
వల్లూరు మేజర్ న్యూస్
వల్లూరు మండలం గంగాయపల్లె పీఎం శ్రీ ఏపీ మోడల్ స్కూల్ అండ్ కళాశాలకు చెందిన ఇద్దరు విద్యార్థినులు రాష్ట్రస్థాయి ఖోఖో పోటీలకు ఎంపికయ్యారు. పులివెందులలోని డాక్టర్ బి.ఆర్. అంబేద్కర్ గురుకుల బాలికల పాఠశాలలో నిర్వహించిన ఎస్జీఎఫ్ఐ అండర్ - 19 బాలికల ఖోఖో ఎంపిక పోటీల్లో ప్రతిభ కనబరిచి ఈ ఘనత సాధించారు. కళాశాలలో ద్వితీయ సంవత్సరం బైపీసీ చదువుతున్న బి. పద్మశ్రీ, ప్రథమ సంవత్సరం ఎంపీసీ చదువుతున్న ఎస్. చందన రాష్ట్రస్థాయి ఖోఖో పోటీలకు ఎంపికయ్యారు. విద్యార్థినులు రాష్ట్రస్థాయి పోటీలకు ఎంపిక కావడం పట్ల కళాశాల ప్రిన్సిపాల్ సురేష్బాబు హర్షం వ్యక్తం చేసి అభినందించారు. ఈ సందర్భంగా ప్రిన్సిపాల్ సురేష్బాబు మాట్లాడుతూ క్రీడలు విద్యార్థుల్లో క్రమశిక్షణ, పట్టుదల, ఆత్మవిశ్వాసాన్ని పెంపొందిస్తాయి. చదువుతోపాటు క్రీడల్లోనూ రాణించడం అభినందనీయం. రాష్ట్రస్థాయికి ఎంపికైన మన విద్యార్థినులు మరింత కృషి చేసి పాఠశాలకు, కళాశాలకు మంచి పేరు తీసుకురావాలి. వారి ప్రతిభకు తగిన ప్రోత్సాహం ఎల్లప్పుడూ అందిస్తాం అని అన్నారు. విద్యార్థినులను కళాశాల ఉపాధ్యాయులు, ఉపాధ్యాయినులు, వ్యాయామ విద్యా ఉపాధ్యాయురాలు సుశీలమ్మ అభినందించి, రాష్ట్రస్థాయి పోటీల్లోనూ ప్రతిభ కనబరచాలని ఆకాంక్షించారు..
