ఎన్నికలపై పోలీసుల అవగాహన కార్యక్రమం

జంగారెడ్డిగూడెం-మేజర్ న్యూస్ రాబోయే స్థానిక సంస్థల ఎన్నికలను దృష్టిలో ఉంచుకుని ప్రజలకు చట్టపరమైన అంశాలు, భద్రతా చర్యలపై లక్కవరం ఎస్సై జబ్బిర్‌ శుక్రవారం అవగాహన నిర్వహించారు.ఈ సందర్భంగా ప్రజల రక్షణకు పోలీసులు ఎల్లప్పుడూ అందుబాటులో ఉంటారని, అవసరమైనప్పుడు సహాయ సహకారాలు అందిస్తారని తెలిపారు. అత్యవసర పరిస్థితుల్లో డయల్‌ 112, సైబర్‌ మోసాలకు 1930, పిల్లల రక్షణ, సహాయం కోసం 1098 టోల్‌ఫ్రీ నంబర్లను వినియోగించుకోవాలని సూచించారు.స్థానిక సంస్థల ఎన్నికలు ప్రశాంత వాతావరణంలో జరిగేలా ప్రజలు పోలీసులకు సహకరించాలని కోరారు. ఎన్నికల నిబంధనలు పాటిస్తూ గ్రామంలో ఎలాంటి అశాంతికి తావులేకుండా వ్యవహరించాలని సూచించారు.

 కెవి రమణారావు జంగారెడ్డిగూడెం