ఎంపీటీసీ, జెడ్పీటీసీ ఎన్నికల స్ట్రాంగ్ రూమ్ ఏర్పాట్లను పరిశీలించిన పాలకొండ సబ్ కలెక్టర్

పాలకొండ, సూర్య :  ఎంపీటీసీ, జెడ్పీటీసీ ఎన్నికల నిర్వహణలో భాగంగా పాలకొండ ప్రభుత్వ డిగ్రీ కళాశాలలో ఏర్పాటు చేస్తున్న స్ట్రాంగ్ రూమ్‌ల ఏర్పాట్లను పాలకొండ సబ్ కలెక్టర్ పవర్ స్వప్నిల్ జగనాధ్ పరిశీలించారు. ఈ పరిశీలనలో డీఎస్పీ ఎం. రాంబాబు,సీఐ ప్రసాద రావు లతో పాటు భామిని, సీతంపేట, పాలకొండ, వీరఘట్టం మండలాల ఎన్నికల రిటర్నింగ్ అధికారులు,  సహాయ రిటర్నింగ్ అధికారులు పాల్గొన్నారు. ఈ సందర్భంగా స్ట్రాంగ్ రూమ్‌ల ఏర్పాట్లు, భద్రతా చర్యలు, ఎన్నికల సామగ్రి భద్రపరిచేందుకు చేపడుతున్న ఏర్పాట్లను పరిశీలించారు. ఎన్నికల ప్రక్రియ పూర్తయిన అనంతరం బ్యాలెట్ బాక్సులు భద్రపరిచే విషయంలో అన్ని జాగ్రత్తలు తీసుకోవాలని, పటిష్టమైన భద్రతా ఏర్పాట్లు ఉండేలా సంబంధిత అధికారులు సమన్వయంతో చర్యలు చేపట్టాలని సూచించారు.