బివిపురం ఎంపిటిసిగా నామినేషన్ వేసిన పెదిరెడ్డి అశోక్

గరుగుబిల్లి, సూర్య : స్థానిక సంస్థల ఎన్నికలైన ఎంపీటీసీ ఎన్నికల్లో భాగముగా భారతీయ జనతా పార్టీ తరఫున బురద వెంకటాపురం ఎంపీటీసీ అభ్యర్థిగా పెదిరెడ్డి అశోక్ శుక్రవారం మండల పరిషత్ అభివృద్ధి కార్యాలయంలో నామినేషన్ దాఖలు చేశారు. భారతీయ జనతా పార్టీ నాయకులు, కార్యకర్తలతో గరుగుబిల్లి మండల కేంద్రముకు తమ అనుచరులతో ర్యాలీగా మండల పరిషత్తు అభివృద్ధి కార్యాలయంకు నామినేషన్ వేసేందుకు తరలివచ్చారు. అనంతరం ఎన్నికల నిబంధనల మేరకు తమ అనుచరులతో బురద వెంకటాపురం ఎంపీటీసీ అభ్యర్థిగా భారతీయ జనతా పార్టీ తరఫున పోటీ చేస్తున్న పెదిరెడ్డి అశోక్ నామినేషన్ పత్రాలను ఎన్నికల అధికారి ఎం వాణిశైలజకు సమర్పించారు. ఈ కార్యక్రమంలో భారతీయ జనతా పార్టీ నాయకులు తుమ్మగుంట శంకర్రావు తదితరులు పాల్గొన్నారు.

రిపోర్టర్ : శశి భూషణరావు, గరుగుబిల్లి, పార్వతిపురం మన్యం.