భవాని భక్తుల భద్రతకు సబ్ ఇన్స్పెక్టర్. సుధీర్‌ ప్రత్యేక చొరవ సేవలను అభినందించిన పలువురు

ద్వారకాతిరుమల, సూర్య న్యూస్:కాలినడకన వెళుతున్న భవాని భక్తుల భద్రతకు ద్వారకాతిరుమల ఎస్ ఐ  సుధీర్‌ ప్రత్యేక చొరవ తీసుకున్నారు. ఆయన ఆధ్వర్యంలో పోలీసులు భక్తుల బ్యాగులకు రేడియం స్టిక్కర్లు అతికించి, రాత్రివేళ వాహనదారులకు భక్తులు స్పష్టంగా కనిపించేలా చర్యలు చేపట్టారు. తద్వారా రోడ్డు ప్రమాదాల నివారణకు ముందస్తు జాగ్రత్తలు తీసుకున్నారు.ఈ సందర్భంగా భక్తులు రహదారికి ఎడమవైపు మార్జిన్‌ లోపలే నడవాలని, రాత్రివేళ ప్రయాణించేటప్పుడు అప్రమత్తంగా ఉండాలని సూచించారు. భక్తుల ప్రాణరక్షణకు ప్రాధాన్యతనిస్తూ ఎస్సై సుధీర్‌ చేపట్టిన ఈ చర్యలపై పలువురు అభినందనలు వ్యక్తం చేశారు. పోలీసుల సేవాభావం, సామాజిక బాధ్యత పట్ల ప్రశంసలు కురిపించారు.

 సూర్య దినపత్రిక జిల్లా ఇంచార్జ్ పసుమర్తి రాము ఏలూరు,