andhrapradesh

భక్తులకు ఆన్‌లైన్‌లో టీటీడీ 2027 క్యాలెండర్లు, డైరీల బుకింగ్ సదుపాయం

Andhrapradesh 09 Nov 2026 72 views

తిరుపతి: నూతన సంవత్సరం 2027ను పురస్కరించుకుని తిరుమల తిరుపతి దేవస్థానం (టీటీడీ) ప్రచురించిన క్యాలెండర్లు, డైరీలను భక్తులు ఆన్‌లైన్‌లో బుకింగ్ చేసుకునే సదుపాయాన్ని అందుబాటులోకి తెచ్చింది. భక్తులు టీటీడీ అధికారిక వెబ్‌సైట్ ద్వారా వీటిని సులభంగా బుక్ చేసుకోవచ్చని సంస్థ ప్రకటించింది. ఆన్‌లైన్ సదుపాయంతో పాటు తిరుమల, తిరుపతి, తిరుచానూరులోని 12 ప్రచురణల విక్రయ కేంద్రాలలోనూ, హైదరాబాద్ (జూబ్లీహిల్స్, హిమాయత్‌నగర్), విజయవాడ, చెన్నై, వెల్లూరు, బెంగళూరు, న్యూఢిల్లీ, ముంబై నగరాల్లోని టీటీడీ సమాచార కేంద్రాల్లోనూ ఇవి లభిస్తాయి. కాగా, 2027 నాటి ఈ క్యాలెండర్లు, డైరీలను ఆంధ్రప్రదేశ్ ముఖ్యమంత్రి 2026 సెప్టెంబరు 7వ తేదీన ఆవిష్కరించిన సంగతి తెలిసిందే. భక్తులు ఈ అవకాశాన్ని వినియోగించుకుని ఆన్‌లైన్ ద్వారా లేదా సమీప సమాచార కేంద్రాల్లో కొనుగోలు చేయాలని టీటీడీ ప్రజా సంబంధాల అధికారి విజ్ఞప్తి చేశారు.